Dinamización

Entroido

O venres 1 de marzo celebramos a festa do entroido. Os nenos/as e convertíronse por un día en sabios e valentes africanos e africanas que rescataban aos animais da sabana nunha obra de teatro que conquistou a todo o público da casa de cultura de Carcacía.  

8 de marzo

O 8 de marzo é o Día internacional da muller e no noso colexio celebrámolo ca participación das familias. No portal de entrada colgamos carteis con todas as ideas que tanto os nenos/as como as súas familias achegaron para defender o papel da muller, escoitamos a canción La Puerta violeta de Rozalén... Pincha na imaxe para ver un resumo de todas as actividades que fixemos.

Visita dos Bolechas

Os Bolechas ca súa campaña de reciclaxe  visitáronnos o día 13 de marzo. Todos/as aprendimos cunha divertida canción como reciclar os aparellos eléctricos e electrónicos.

Lamprea do Ulla

Da man dunha divertida cociñeira e maila súa axudante, recordamos a tradición da pesca da lamprea no río Ulla. Actividade organizada polo Concello de Padrón.

Día do pai

Na celebración do Día do pai construimos paus de chuvia con tubos de cartón que pintamos e decoramos. Os nenos e nenas de infantil e primaria traballaron un montón para sorprender aos papás.

Na nosa biblioteca xa contamos coa Sección Familias. Comezamos o empréstito publicando un boletín de recomendacións de lecturas.

Apostamos por unha bibloteca escolar aberta a toda a comunidade educativa!!

Magosto

O mércores 31 de outubro celebramos o Magosto. Como cada ano, non faltaron os xogos populares nin as castañas asadas.

A ANPA agasallounos cun asador de castañas con forma de locomotora.

Moitas grazas a todas as familias por compartir este día con nós. Pasámolo xenial!

Samaín

A biblioteca do colexio organizou unha exposición de libros do Samaín. Un recuncho cheo de historias de medo, de pantasmas, de vampiros e de cabazas decoradas. Os libros expostos estiveron nas aulas na hora do conto e moi pronto xa estarán dispoñibles para o empréstito da biblioteca.

24 de outubro - Día das biliotecas escolares

Con motivo do Día das bibliotecas escolares os nenos e nenas de primaria leron un libro de rimas (Los niños valientes) na biblioteca do noso colexio e recitaron uns poemiñas. Os alumnos/as de infantil estiveron moi atentos aos seus compañeiros maiores.

As maletas viaxeiras comezaron a súa andaina !!! 

Logo de ter traballado no centro o proxecto "Os bebés" preparamos 2 maletas (unha para Ed. Infantil e outra para Ed. Primaria) con lecturas relacionadas  co tema, entre outras: "Mamá puso un huevo" "Un conto de cegoñas" "Mamá ti si que me entendes" "Baby pop" " Eu tamén son fonte"...   

Organizamos tandas para posibilitar que todo o alumnado do centro dispoña durante uns días da maleta na casa e así poder compartir na súa contorna familiar todas as aprendizaxes e descubrimentos que nos aportaron a lectura destes libros.

Son moitos os obxectivos que pretendemos coa posta en marcha das maletas viaxeiras relacionadas cos proxectos de centro: compartir descubrimentos e aprendizaxes , proporcionar ás familias recursos para abordar determinados temas, visibilizar na comunidade escolar o traballo que se está a facer dende a biblioteca do centro...  

Dada a boa acollida das maletas viaxeiras tanto por parte do alumnado (que agarda pacientemente o seu turno) como por parte das familias é moi probable que este recurso xa forme parte da dinámica de funcionamento da nosa biblioteca escolar.