A Consellería fixo un comunicado oficial no DOG do 19 de maio para o fondo solidario e as axudas para a adquisición de libros de texto e material escolar para o alumnado de Educación Primaria.
As solicitudes poderán facerse do 20 de maio ao 19 de xuño de forma presencial no centro (preferiblemente con cita) ou pola sede electrónica da Xunta dende a aplicación Fondolibros.
A oferta de actividades será proporcionada polo Concello de Santa Comba e polas empresas El Juguetón e PSI Terapia e Formación, e estará xestionada pola ANPA.
Seguindo as instrucións da Consellería de Educación adaptamos os contidos e criterios de avaliación e cualificación para a terceira avaliación, tendo en conta as circunstancias excepcionais da situación causada polo COVID-19.
Facemos públicas ditas adaptacións nesta páxina web no apartado de Documentos.
O Concello de Santa Comba, tendo en conta as dificultades de moitas familias para poder conectarse as clases virtuais e poder seguir adiante con ditas clases e acceder ós materiais educativos, pon a disposición de todas as familias do noso Concello unha aula para poder facilitar a conexión a internet.
No día de hoxe celébrase as Letras Galegas homenaxeando ó autor ferrolán Ricardo Carballo (Carvalho) Calero. Este persoeiro, destaca principalmente no século XX pola súa dedicación e contribución ó estudo da lingua galega chegando á cátedra de Lingua e Literatura Galega e pola extensa bibliografía que deixou para a posteridade.