Durante o curso escolar 21-22 xunto as actividades habituais do Equipo de Voz Natura (plantación, coidado das árbores e plantas do colexio, recollida de tapóns...) levamos a cabo outra actividade de coidado do medio ambiente: recollida, pesado, clasificación e exposición de PLÁSTICO recollido na praia de Llas.
Os niveis de 3º e 4º de Primaria fixeron tres saídas á praia para recoller este residuo. O resultado foi moi positivo porque todo o alumnado do centro puido comprobar a acción nociva do plástico nos mares e praias e a súa repercusión nos seres vivos.
Os alumnos de sexto foron os encargados de explicar coa axuda de carteis o impacto do plástico no medio mariño. Aproveitamos a experiencia para facer un resumo explicativo e con fotografías no xornal escolar. Continuaremos nos vindeiros cursos con esta actividade para seguir sensibilizando á comunidade educativa.
