Celebracións e Exposicións

Celebracións e exposicións

Dentro das actividades que se organizan este ano no CEIP María Pita para celebrar o Día das Letras Galegas, está a visita ao colexio do ilustrador e creador de historias ANXO FARIÑA TEMPRANO, o próximo día 19 de maio. Este xove escritor naceu en Vigo no ano 1977 e licenciouse en Belas Artes.

É un home moi creativo que manifesta a súa cratividade en moitos campos.

Ademais de escribir e ilustrar libros para rapaces, tamén se dedica ao deseño, dá conferencias e tamén organiza obradoiros.

Algúns dos seus libros son:

A colección de Antón e Pompón: As cores, As formas, As horas...
Don Quixote e Breogán (varias aventuras)
O mago das formas
Xabi non pode durmir
O ladrón de palabras
A monstroescola
Os Megatoxos: O aprendiz de druidaA espada esmeralda

Consultar: MIGRANHA

Os alumnos/as do CEIP María Pita están moi ilusionados co encontro que terán con Anxo Fariña, por iso están lendo os seus libros con grande interés e preparando algunhas actividades relacionadas con eles.

Día Mundial pola Educación

Co gallo do "Día Mundial pola Educación", o profesorado e o alumnado do segundo ciclo tivemos unha experiencia moi interesante que consistía en encher un impreso cun monte de preguntas que debiamos contestar; se acertabamos poderiamos ter acceso a algo importante, coma conseguir un emprego ou a posibilidade de ter crédito nun banco... pero non foi doado xa que ninguén de nós soubo entender a enquisa.

Dese xeito decatámonos do imprescindible que é saber ler.

Algúns/Algunhas de nós levamos a enquisa a casa. Aconteceu o mesmo coas nosas familias.

Gustaríache facer a proba?

Aí van as preguntas. TENTA CONTESTAR

1.-As palabros sobre la tu carta natural.

2.-¿A que parte posas?

3.-¿Cu mesmos padres haberes?

4.-¿Cu lunas tu vieres?

5.-Fai une a 5

6.-¿Cua pintata se le grande lagoa?

7.-¿Pasa río por tu vivir?

8.- An palabro mesmo masbota