Eventos

*Sabías que o día 23 de abril é un día simbólico para a Literatura Mundial??? Contámosvos o por que??? Pois ben, foi elexido este día como "DÍA INTERNACIONAL DO LIBRO E DOS DEREITOS DO AUTOR" porque o 23 de abril de 1616 morreron Miguel de Cervantes, Shakespeare e o Inca Garcilaso de la Vega, grandes escritores da literatura universal. Hai que contar Cervantes en realidade morreu o 22 de abril, pero foi enterrado o 23 (calendario gregoriano), e encanto a Shakespeare, ese 23 de abril corresponde ao calendario xuliano, vixente en Inglaterra naquela época polo que non é exactamente o23 de abril do calendario gregoriano.

Nós, para celebralo, programamos algunhas actividade como as que vedes máis abaixo

Este curso no cole de Cariño decidimos remexer nos oficios do pasados, aqueles traballos que se realizaron durantes moitos anos, mais agora parece que están a piques de desaparecer. O equipo de Dinamiación do galego organizou unha exposición e pediuvos a vosa axuda, pois aquí vos deixamos o resultado. ESTAMOS MOI AGRADECIDOS/AS POLA VOSA COLABORACIÓN. 

Están publicadas no taboleiro do vestíbulo a lista de alumnos admitidos no centro para o grupo de 4º de Educación Infantil (3 anos) para o curso 2022-2023.

Todo o alumnado que solitou plaza está admitido.

 A finais de xuño deberá facerse a FORMALIZACIÓN DA MATRÍCULA. Posteriormente, celebrarase unha reunión entre os pais/nais dos novos alumnos/as e as titoras de Educación Ifantil para informar dos detalles da incorporación dos novos estudantes.

Escolma de recursos

O pasado martes recibimos a Carlos Labraña, dramaturgo cedeirés que chegou ao noso cole sendo un trasno qu non sabía ler e marchou sendo un escritor prolífero de teatro para nenos/as. Foi unha xornada incríble chea de diversión, sorpresas, imaxinación, creatividade,....Comezamos atopando un cofre do tesouro cheo de libros, pasamos logo a xogar a "maquina de crear contos e tamén fixemos lecturas teatrais. Dámoslle as grazas a Carlos por ensinarnos tantas cousa sobre o teatro e a interpretación.

Aquí vos deixamos unhas fotos dalgúns momentos da mañá. Estade atentos/as, subiremos un video coas actividades da Semana do Libro 

Aquí vos deixamos un video coas fotos das actividades realizadas durante a Semana do Libro e dos Dereitos do Autor/a. Esparamos que vos guste.

THIS DOCUMENT IN ENGLISH FOR PRINTING  ESTE DOCUMENTO PARA IMPRIMIR EN GALEGO

O día 18 de maio de 2022 foi publicada no DOG a orde pola que se regula a participación no fondo solidario de libros de texto e se convocan axudas para adquirir libros de texto e material escolar , acceso ao DOG

 PRAZO:

19/05/2022 ao  22/06/2022

 DESTINATARIOS:

 Fondo solidario de libros: alumnado de 3º e 4ºde EP; o alumnado matriculado en 5º e 6º de EP no curso 2022/2023 disporá de ordenadores do proxecto E-dixgal para acceder aos libros dixitais.

 Axudas para a adquisición de libros de texto: alumnado matriculado en 1º e 2º de EP no curso 2022/2023

 Axudas para a adquisición de material escolar: o alumnado matriculado en todos os cursos de EP

SOLICITUDES:

 Preferiblemente de xeito telemático a través da aplicación web fondolibros , ou desde a sede electrónica da Xunta de Galicia
 

Presencialmente con cita previa no teléfono 881880434 ou no correo ceip.manuel.fraga@edu.xunta.gal

 As solicitudes deberán estar asinadas polo pai, nai,titor/a ou representante legal do/a alumno/a.

As persoas interesadas deberán achegar coa solicitude (Anexo I) a seguinte documentación:

a) Anexo II (comprobación de datos dos membros computables da unidade familiar).

 b) Copia do libro de familia, certificado de convivencia ou documento equivalente, onde figuren o alumno e os demais membros computables da unidade familiar.

 En caso de separación ou divorcio, deberán achegar, ademais, a sentenza xudicial e/ou convenio regulador onde conste a atribución da custodia do/da menor.

 Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:

1º. Certificado ou volante de convivencia.

 2º. Informe dos servizos sociais ou do órgano equivalente do concello onde resida a familia.

 Nos casos especiais en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.

 c) Certificado de discapacidade do/da alumno/a ou calquera membro da familia non expedido pola Administración autonómica.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

e) Resolución xudicial de incapacitación con patria potestade prorrogada ou rehabilitada.

f) Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.

Mais información:

Servizo web fondolibros: https://www.edu.xunta.gal/fondolibros/

Sede electrónica: sede.xunta.gal

Documentos de solicitude: Anexo I e Anexo II

IMPORTANTE:o alumnado que para curso 2022/2023 estará matriculado en 1º de ESO deberá presentar a solicitude no IES correspondente.

Aquí vos deixamos a enquisa para valorar a nosa biblioteca e as actividades que propón. Por favor animádevos a cubrila, é totalmente anónima e a vosa opinión axudarianos a mellorar.

Preme na icona para acceder á enquisa.

Onte o alumnado de 3º e 4º de EP visitaron a nave na que as Redeiras de Cariño traballan diariamente. Foron moi ben atendidos por estas mulleres, explicáronlles en que consiste a súa profesión, faláronlles do tipo de redes que se utilizan para as distintas artes de pesca, como se cosen as redes, ensináronlles as agullas que usan, os plomos que levan as redes para afundirse,..., e moitas cousas maís, todas elas MOI INTERESANTES. Ademáis tiveron un obradoiro onde estes /as nenos/as puideron gozar facendo, tocando,... Dámoslles GRAZAS EMORMES

Hoxe os/as nenos/as de 2º de EP tiveron un día moi especial, recibiron a tres expertos cesteiros: Andrés, Mario e Juan. Neste obradoiro os /as nenos/as coñeceron de primeira man este oficio tan importante no pasado, e que agora está en perigo de desaparecer. Como podedes ver cada un /unha fixo o seu cestiño e sentíronse súper orgullosos do seu traballo. Dámoslle INMENSAS GRAZAS á Andrés, Mario e Juan  por achegarse ao noso cole e  pola súa paciencia. Estamos moi agradecidos/as.

Para conmemorar o nacemento de ROSALÍA acudimos ao auditorio invitados pola biblioteca municipal aún espectáculo de música, o día 21 de marzo.

CON "TRUQUE MATRUQUE"   CONTOS CANTADOS

Un percorrido através do libro "Cantares galegos" de Rosalía

O 16 de febreiro os alumnos de 3º,4º,5ºe 6º foron invitados pola Biblioteca municipal a un espectáculo de comedia e máxia.Un espectáculo de narración familiar.

"SUPERHEROE" a cargo de Fran Rei

Espectáculo " CONTOS PARA PASALO DE MEDO"

Actividade en colaboración ca Biblioteca Municipal. Os rapaces/as de 3º,4º,5º y 6º de Educación Primaria foron ao Auditorio da Biblioteca Municipal a disfrutar do espectáculo.

No mes de outubro os alumnos de Educación Infantil e Primriro e segundo de Educación Primaria acudiron ao Auditorio da Biblioteca Municipal para asistir aún espectaculo, para celebrar o día das Bibliotecas.

Era unha actividade de dinamización con música, teatro e danza de título

"Contos dos Ratos de Lonxedetodo"