Eventos

O día 20 de maio de 2021 foi publicada no DOG a orde pola que regula a participación no fondo solidario de libros de texto e se convocan axudas para adquirir libros de texto e material escolar , acceso ao DOG

 PRAZO:

21/05/2021 ao  22/06/2021

 DESTINATARIOS:

 Fondo solidario de libros: alumnado de 3º e 4ºde EP; o alumnado matriculado en 5º e 6º de EP no curso 2021/2022 disporá de ordenadores do proxecto E-dixgal para acceder aos libros dixitais.

 Axudas para a adquisición de libros de texto: alumnado matriculado en 1º e 2º de EP no curso 2021/2022

 Axudas para a adquisición de material escolar: o alumnado matriculado en todos os cursos de EP

SOLICITUDES:

 Preferiblemente de xeito telemático a través da aplicación web fondolibros , ou desde a sede electrónica da Xunta de Galicia
 

Presencialmente con cita previa no teléfono 881880434 ou no correo ceip.manuel.fraga@edu.xunta.gal

 As solicitudes deberán estar asinadas polo pai, nai,titor/a ou representante legal do/a alumno/a.

As persoas interesadas deberán achegar coa solicitude (anexo I) a seguinte documentación:

a) Anexo II (comprobación de datos dos membros computables da unidade familiar).

 b) Copia do libro de familia ou documento equivalente, onde figuren o alumno e os demais membros computables da unidade familiar.

 En caso de separación ou divorcio, deberán achegar, ademais, a sentenza xudicial e/ou convenio regulador onde conste a atribución da custodia do/da menor.

 Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:

1º. Certificado ou volante de convivencia.

 2º. Informe dos servizos sociais ou do órgano equivalente do concello onde resida a familia.

 Nos casos especiais en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.

 c) Certificado de discapacidade do/da alumno/a ou calquera membro da familia non expedido pola Administración autonómica.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

e) Resolución xudicial de incapacitación con patria potestade prorrogada ou rehabilitada.

f) Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.

Mais información:

Servizo web fondolibros: https://www.edu.xunta.gal/fondolibros/

Sede electrónica: sede.xunta.gal

Documentos de solicitude: anexo I e anexo II

IMPORTANTE:o alumnado que para curso 2021/2022 estará matriculado en 1º de ESO deberá presentar a solicitude no IES correspondente.

O alumnado admitido no proceso de admisión para o curso 2021-2022 deberán formalizar a matrícula presentando o impreso correspondente na secretaría do centro xunto con dúas fotografías tamaño carnet e solicitando cita previa.

Prazo: 20 de xuño-30 de xuño

Teléfono cita previa: 881 880 434

IMPRESO DE FORMALIZACIÓN DE MATRÍCULA

Para celebrar o remate deste curso tan complicado desfrutamos nos nosos patios dunha gymkana conxunta de todo o colexio. Esta actividade resultou todo un éxito entre o alumnado, desexoso de pasar un día con todos os compañeiros e compañeiras, que por mor da Covid non se puido facer en todo o curso. A pesares de estar todos e todas no patio seguimos a cumprir o protocolo e non se mesturaron as clases durante os xogos. O tempo deunos unha tregua e conseguimos levar a cabo a actividade tan necesitada para os rapaces e rapazas que pasaron un curso con moitas restriccións.

Xa está exposta no taboleiro interior do colexio a listaxe de solicitudes admitidas e excluídas de vales para adquirir libros de texto e material escolar.

Lembramos unha vez máis que este ano non se pode facer exposición pública dos resultados.

As persoas excluídas recibirán unha notificación do colexio para informar da situación. En calquera caso pódese chamar ao colexio para concertar unha cita para a revisión da listaxe, a presentación de reclamacións, ou a recollida dos vales.

Teléfono: 881 880 434

email: ceip.manuel.fraga@edu.xunta.gal

Xa está publicada no taboleiro interior do colexio a listaxe definitiva de solicitudes admitidas e excluídas para recibir libros de texto do fondo solidario (3º e 4º de EP).

Nas listaxes aparece o nome da alumna ou alumno e o número de libros que recibe, esta información non se pode expoñer en Internet.

Neste documento PDF pode ver cáles son os libros asignados en préstamo a cada alumno/a segundo o número deles que lle corresponde:

NOTA SOBRE OS LIBROS DE TEXTO

Estes días atopamos un erro nos ISBN dos libros de inglés de 1º, 2º e 3º de Primaria que aparecen na lista de libros de texto.

Os códigos que aparecen son das edicións do ano pasado.  Os códigos actuais son os seguintes:

PRIMEIRO:

SEGUNDO:

TERCEIRO:

Se aínda non se adquiriron os libros é preferible adquirir a edición deste ano (ISBN que se mostran arriba). Aínda así, se xa se adquiriron os libros cos ISBN do ano pasado, tamén son válidos. Non é preciso cambialos.

Lista imprimible en PDF