A dirección do CEIP de Maciñeira infórmalles que está aberto o prazo para participar no fondo solidario de libros de texto e solicitar axudas para a adquisición de libros de texto e material escolar para o alumnado matriculado en educación primaria, educación secundaria obrigatoria e educación especial, en centros docentes sostidos con fondos públicos, no curso 2019/2020, segundo a Orde do 3 de maio de 2019(DOG. 20 de maio de 2019).

- Fondo solidario: alumnado matriculado en 3º, 4º, 5º e 6º de Educación Primaria e en 1º e 3º da ESO.

- Axudas para adquirir libros de texto: alumnado matriculado en 1º e 2º de Educación Primaria, en 2º e 4º da ESO e Educación Especial.

- Axudas para adquirir material escolar: alumnado matriculado en Educación Primaria, ESO e Educación Especial.

As instancias axustaranse ao Anexo I, que está a disposición de quen o solicite na secretaría do centro. Dende dita secretaría facilitaráselle aos alumnos que cursen Educación Primaria para o curso académico 2019/2020 o impreso de solicitude.

O prazo de presentación das instancias remata o 21 de xuño de 2019.