Skip to Content

A nosa biblioteca

PROGRAMA "TAS OU NON TAS". CAPÍTULO 8.

Mér, 15/03/2023 - 19:02 — biblioteca

O noso alumnado segue editando e protagonizando o programa "TAS OU NON TAS". Este novo capítulo está adicado a un término moi nomeado na nosa zona, a palabra "Naide". 

Non o perdas!

DÍA INTERNACIONAL DA MULLER. (8M)

Ven, 10/03/2023 - 17:45 — biblioteca

O pasado 8 de marzo conmemoramos no noso centro o Día Internacional da Muller, pretendendo sensibilizar e promover a igualdade no noso alumnado como base de respecto e tolerancia entre as persoas.

Para isto realizamos diferentes actividades, entre elas:

  • Un photocall de ás con plumas decoradas polo alumnado.
  • As alumnas e alumnos de 5º e 6º de Primaria leron contos sobre biografías dunha gran variedades de mulleres pioneiras en diferentes campos ao resto de alumnado.
  • Por titorías, colaboramos co Concello na elaboración dunha alfombra en forma de lazo que se colocou na Praza do Concello.

 (Preme na imaxe para ver o vídeo)

NOVAS DE ÚLTIMA HORA.

Mar, 14/02/2023 - 17:25 — biblioteca

PERCORRIDO DO FACHO OLÍMPICO.

Ven, 10/02/2023 - 22:31 — biblioteca

A viaxe do facho olímpico comezou co aceso da chama en Olimpia e rematará coa iluminación do caldeiro olímpico durante a cerimonia de apertura que terá lugar no CEIP FONDO NOIS o vindeiro 17 de febreiro, ás 12.30 horas.

XOGOS COOPERATIVOS "DÍA DA PAZ".

Lun, 06/02/2023 - 20:09 — biblioteca

Con motivo do Día Escolar da Non Violencia e da Paz, en cada aula elaboramos diferentes xogos cooperativos con material de refugallo e así gozar conxuntamente de todos eles. Pasámolo xenial!  

(Podedes ver o vídeo premendo na imaxe)

“Consellos para un Entroido seguro e sen riscos"

Sáb, 04/02/2023 - 17:57 — biblioteca

O pasado mércores, tivemos na biblioteca, unha charla-obradoiro sobre “Consellos para un Entroido seguro e sen riscos”, impartido por Ana, do Instituto Galego do Consumo e da Competencia, dirixido a todo o alumnado de Educación Primaria.

Os obxectivos centráronse en informar sobre os riscos dos disfraces e complementos do Entroido e se cumpren coa normativa, coñecer a etiquetaxe dos produtos e divulgar o traballo do Laboratorio de Consumo de Galicia.

(Preme na imaxe para ver as fotos)

RECOMENDACIÓNS LECTORAS DÍA ESCOLAR DA NON VIOLENCIA E A PAZ.

Xov, 19/01/2023 - 18:07 — biblioteca

Dende o equipo de biblioteca propoñémosvos as seguintes lecturas para conmemorar o 30 de xaneiro "DÍA ESCOLAR DA NON VIOLENCIA E A PAZ".

ECO-AUDITORÍA DA AUGA NO CENTRO ESCOLAR.

Mér, 18/01/2023 - 18:05 — biblioteca

Onte, os alumnos de 2º, 3º e 4º de Primaria recibiron na biblioteca a actividade ECO-AUDITORÍA DA AUGA NA CASA E NO CENTRO, impartida por Martina e Manuel da Universidade da Coruña, na que reflexionamos sobre o consumo de auga e o seu derrame e coñecimos diferentes formas para reducilo a través dunha experiencia práctica nos lavabos do centro.

Esta actividade está organizada pola Universidade da Coruña, no marco do Proxecto Educando para a Sustentabilidade e patrocinada pola Fundación Alcoa dentro do proxecto "Mariña Ambiental".

(Preme na imaxe para ver as fotos)

CELEBRACIÓN DO NADAL.

Ven, 13/01/2023 - 18:08 — biblioteca

O pasado 22 de decembro, para rematar o primeiro trimestre e comezar as vacacións de Nadal, realizamos diferentes actividades especiais: recibimos a visita de Papa Noel, participamos en diferentes obradoiros de construción de xogos, celebramos as badaladas de Fin de Ano, entregáronse os diplomas e medallas do Xacobeo Mariñán ao nenos e nenas que remataron as rutas e disfrutamos dunha gran variedade de actuacións protagonizadas polo alumnado. 

A continuación deixámosvos varios visionados das mesmas.

Os libros fánnnos vivir emocións.

Xov, 22/12/2022 - 17:16 — biblioteca

A biblioteca do noso centro, convídavos a emocionarvos LENDO! E por iso, fixemos este vídeo entre todo alumnado. Esperemos que vos guste! 

FELICES FESTAS!

 

Subscribirse a este contido


by Dr. Radut