Achégase o entroido e o vindeiro luns comezamos cos mandatos do MECO, que neste curso 23-24 teñen moita relación co proxecto anual de centro: O CINE.

Queremos recordar que son mandatos NON ACUMULATIVOS, e que, na medida do posible, as familias manteñades a intriga do mandato do seguinte día, pois as nenas e nenas descoñecen o que lles pide o MECO para o día seguinte, será TODO UNHA SORPRESA!

Tamén achegamos o programa para o día 9 de febreiro, FESTA DE ENTROIDO.

Esperámosvos para pasar ese día con nós. Será un día de CINE!

Ola familias!

O próximo xoves, 8 de febreiro, teremos un fantástico obradoiro de máscaras de Entroido con @pedrasartesan. Será ás 17:30 horas no Colexio.

Podedes inscribirvos enviando un correo anpa.o.castineiro@gmail.com ou por WhastsApp no teléfono 624230206.

Contamos con vós.

No pasado curso escolar 2022-2023, o alumnado de 6º de Educación Primaria participou no Pim Pam Experimenta 2023, onde acudiron aos estudos de gravación da TVG como concursante deste programa científico.

Xa podedes ver este é outro programas doutros centros educativos na canle xabarín.gal, onde se están a emitir.

Desexamos que disfrutedes co visionado!

"Non hai camiño para a paz: a paz é o camiño"

 - Mahatma Ghandi -

O 30 de xaneiro celébrase este día, dedicado a conmemorar nos centros educativos unha cultura de non violencia e paz. A educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz son motivos para lembrar o 30 de xaneiro.

E nese Día da Paz, os centros educativos comprométense como defensores da paz e entendemento entre persoas de distinta procedencia e modos de pensar.

Nese día celébrase o aniversario da morte do Mahatma Gandhi (India, 1869-1948), líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.

Unha educación inspirada nunha cultura de non violencia e paz permite ao noso alumnado adquirir coñecementos, actitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas. (Texto da páxina de UNICEF).

Ademáis do cartaz informativo das actividades deste día, deixamos o baile que todas as nenas e nenos do centro están a preparar na materia de música, por se queren dende os fogares seguir ensaiando o baile, onde as familias tamén podedes ser partícipes. 

Hoxe, 15 de xaneiro de 2024 e ata o 5 de febreiro, está aberto o prazo para a reserva de praza en centro adscrito para o vindeiro curso 2024-2025.

Todas aquelas familias de 6º de Educación Primaria do centro que desexen matricular ás súas fillas e fillos no IES Breamo, teñen  varios modos de facelo:

- Devolver ao CEIP Plurilingüe Eladia Mariño a solicitude que se adxunta (tamén se pode pedir este impreso no centro, se así se desexa).

- Cubrir a solicitude dende a aplicación "Admisión Alumnado", imprimila e entregala no centro.

- Cubrir a solicitude dende a aplicación "Admisión Alumnado", e entregala a través da sede electrónica.

Para máis información acceder á aplicación: Admisión alumnado ou preguntar na secretaría do centro.

SOLICITUDE EN GALEGO

SOLICITUDE EN CASTELÁ