Como xa sabedes, últimamente o noso Trasno Trouleiro anda a facer moitas das súas trasnadas, polo que nunha das súas derradeiras cartas, comentounos que aínda que traballaba na Biblioteca do noso centro, esa non era a súa casa, senón que vivía nas fragas. Por isto, decidimos ir a buscalo nunha das máis coñecidas de todas, as fragas do Eume, visita que aproveitamos para vincular ós diferentes proxectos de traballo que se están a traballar nas diferentes aulas.
Pasamos grande parte da saída, sentindo ó Trasno no ruxir do río, no movemento das polas das árbores, no olor da fraga...
Porén, non conseguimos velo en persoa, aínda que si na pirámide máxica na que adoita aparecérsenos 
Velaquí tedes algunhas imaxes do ben que o pasamos...
Aínda que o buscamos por todos os recunchos da Fraga, non fomos quen de atopalo, pero si vimos cousas espectaculares nun contorno privilexiado.
Por outra parte, os máis maiores tiveron a oportunidade de adentrarse moito máis nas Fragas e ver cousas igual de impactantes.
MÍRADE QUE PAISAXES MÁIS PRECIOSAS!!!!! TEMOS AUTÉNTICOS TESOUROS EN GALIZA!!!!!
Á VERDADE É QUE O PASAMOS EN GRANDE...
