Benvidas e benvidos un curso máis ao noso club de Lectura Trouleira.
O pasado luns 2 de Outubro nais, mestras e outras convidadas reunímonos para inaugurar esta nova edición do club de lectura 2023-2024. Este ano contamos con novas incorporacións á plantilla, tanto de nais, como de mestras e achegadas. Xa sabedes que este é un espazo aberto e calquera será ben recibido (sempre que se comprometa a traer a merendola cando lle toque).
![](/centros/ceipbarqueira/system/files/u5/fotoefectos.com__3.jpg)
Por petición popular estas nais levaron deberes para verán. A lectura estival foi La chica salvaje da autora Delia Owens. Coma sempre, co café e o biscoito servido, puxémonos a comentar a reunión, e coma sempre, houbo opinións moi diversas (xa que seguimos tendo a Sonia e a Raquel dispostas a falar con total sinceridade
).
La chica salvaje nos presenta a Kya, unha nena que aprende a sobrevivir soa na marisma, aislada da sociedade e en estreito contacto coa natureza. É unha fermosísima novela na que seguiremos os pasos desta nena ata a súa idade adulta (co misterio presente de ter sido acusada de asasinato). Non é só unha novela de misterio, senón que fai unha importante reflexión sobre a vida, a soidade, a paixón a resilencia, e cunha narración que te permite verte envolta nesas paisaxes naturais propias da marisma. Sen dúbida, unha lectura lixeira e moi recomendable.
En canto a si a lectura gustou ou non, desta vez houbo bastante consenso (vamos, que acertamos). Aínda que coma sempre a diversión ven nas pequenas cousas, tivemos moito que debater sobre como nos fixo sentir a narración e as diferentes personaxes. Un das cousas máis debatidas foi o abandono que sufriu Kya por parte de, primeiro a súa nai e despois dos seus irmáns, coincidindo case todas en que pese a crueldade da situación, terminaron por entender as decisións que tomaron estas personaxes.
Ademáis, este ano decidimos incorporar unha batería de preguntas que iremos facendo nas diferentes sesións para saír un pouco dos comentarios típicos. Polo cal a partir de agora as participantes terán que vir moi preparadas para ser quen de contestar as cuestións sorpresa
.
Desta vez, tocou dicir se atopamos algún parecido nalgunha das personaxes con persoas da vida real. A respota foi case unánime, xa que para as participantes as personaxes presentadas foron bastante novidosas (especialmente a protagonista).
A segunda pregunta foi con quen nos identificábamos (ou a quen nos gustaría parecernos), e aquí houbo maior diversidade de respostas. Algunhas por exemplo contestaron que Tate (o amigo-amor da protagonista) ou Jumpin e a súa familia; por ser personaxes altruistas que non dubidaron en ofrecer axuda a Kya cando o precisaba. Outras responderon que lles gustaría parecerse a Kya, que é unha muller independente e cunha gran fortaleza.
Unha vez finalizado o debate, Araceli presentou a nosa primeira lectura do curso. Este ano decidimos continuar lendo literatura escrita por mulleres, e queremos tamén ampliar os xéneros. Por iso comezaremos cun ensario, concretamente Unha habitación propia de Virginia Wolf (Na presentación adxunta podedes ver a información sobre a autora e o libro). Este ensaio recolle as reflexións da autora cando lle piden que prepare unhas conferencias para falar das mulleres e a literatura.
Na próxima reunión esperamos escoitar que tivo boa acollida este novo reto.
Coma sempre animávosvos a ler, xa que non existe mellor forma de inculcar este hábito aos nosos nenos e nenas que o feito de que nos vexan a nós facelo.