Para estrenar as saídas do mes de maio estrenámonos na praia de Arou facendo surf. E xa que tiñamos experiencia do curso pasado, esta vez saiunos a todos moito mellor!

Esta actividade estivo dirixida a Ed. Primaria e os cursos de 1º, 2º e 3º foron o luns día 7 de maio e os de 4º,5º e 6º curso foron o martes día 8.

Pero como saberedes, non só aprendemos surf, se non que aprendemos a respectar as nosas costas e recollemos lixo e peles, que por desgracia este ano chegaron a moreas!

Ademais, tamén aprendemos a escoitar o que o mar nos decía...e así aprender sobre as correntes, as mareas, cando son as mellores horas para facer surf ou saír ao mar. E por suposto a poñer o traxe de neopreno ou coidar as nosas táboas de surf.

Toda unha divertida experiencia de aprendizaxe!

A volta das vacacións de Semana Santa tivemos uns cursos de iniciación ao Surf para todo o alumnado do Centro, onde Gabi e David, da escola de Surf de Camariñas ensináronos a facer surf a todo o Centro alumnado e profesorado. Fixérono fenomenal e foi unha experiencia fantástica. Tomamos contacto coa natureza, ensináronos a coidar as nosas costas, e o mar. Tamén a ter seguridade á hora de facer este deporte.

Finalmente, convocamos ao "Deus" das ondas e a verdade é que nos fixo caso, viñeron e... pasámolo pipa!

No plan Proxecta tamén fixemos diferentes saídas como as que podedes ver aquí. Algunhas delas foron ao museo do xoguete en Ponteceso, ao Galipark en Padrón...

Ademais durante os meses de outono organizamos xogos tradicionais nos que participamos todo o centro educativo.

Tamén realizamos ioga infantil, xogos populares, actividades de relaxación e actividades de expresión corporal co alumnado de Educación Infantil durante unha das horas de psicomotricidade.

Durante o presente curso escolar, o alumnado de 3º a 6º curso de Educación Primaria participaron no Xogade realizando carreiras de campo a través en diferentes localidades da nosa comarca. A nivel de centro realizáronse entrenamentos, ligas internas (baloncesto, bádminton, floorball, carreiras de atletismo, salto de altura e lonxitude) entre outras actividades, coa colaboración de todos os mestres e mestra do noso colexio.