Inicio de Sesión

Triatlón

Esta semana, nos nosos “Venres Olímpicos” temos a sorte de contar co Equipo de Triatlón de Ferrol.

 

Masterclass Zumba

O pasado 22 de marzo realizamos no centro unha Masterclass de Zumba dentro dos nosos “Venres Olímpicos!.

 

Transmitir hábitos saudables e promocionar a actividade física foi o obxectivo principal desta sesión, así como despedir o trimestre acompañados/as de todas as familias, apostando cada vez máis pola presenza das mesmas na vida do centro.

 

De novo, queremos agradecer a gran acollida desta actividade e a gran participación de todos e todas. Esperamos vervos moi pronto!!

 

PARA VER O VÍDEO PREMEDE NA IMAXE.

Escola de familias hixiene corporal

 

 

O vindeiro luns, 15 de abril, continuamos coas nosas Escolas de Nais e Pais. Esta vez, contamos con Miguel Soro, fisioterapeuta, que nos falará dos novos estudos de hixiene postural.

 

Non dubidedes en asistir a esta xuntanza!

Escola de familias e disciplina positiva

 

 

O pasado 13 de abril tivemos a sorte de poder contar na nosa Escola de Nais e Pais con @cuentaconmigodp , formadora en Disciplina Positiva. Tal e como aprendimos nesta sesión o primeiro que queremos é dar as GRAZAS a todas as persoas que asistiron e quixeron compartir con nós este momento de aprendizaxe, buscando a mellora nas ensinanzas do noso alumnado e fomentando a importancia do benestar emocional de toda a comunidade educativa.

 

Continuaremos organizando actividades e obradoiros que posibiliten compartir recursos para traballar en equipo e mellorar a relación familia-escola.

8 M

O día 8 de Marzo conmemoramos no noso cole o día da Muller. Durante esa semana, fixemos diversas actividades como: lectura de contos a prol da igualdade; debuxos de mulleres relevantes na nosa familia; investigamos a mulleres deportistas para facer un xornal con elas; inauguramos as rúas do noso cole cos seus nomes e tivemos a visita dunha deportista e mamá do cole, Sara Vázquez que nos contou a súa traxectoria deportiva ademais de ensinarnos xogadas de baloncesto. A todas elas, gracias por ser inspiración para nós! 

DÍA DA MULLER 8M 

O noso bosque comestible

Día da Árbore e Bosques 

 

Nun día como hoxe, Día da Árbore e dos Bosques, non podemos deixar de recordarvos o noso gran proxecto, a creación dun BOSQUE COMESTIBLE nas zonas exteriores do centro, convertindo esta iniciativa na gran seña de identidade do CEIP Plurilingüe de Andrade. Aquí seguimos formándonos e traballando arreo para conseguir un espazo sostible e natural para que o noso alumnado desfrute nos seus tempos de lecer de zonas verdes, e de todas as posibilidades que ofrece a nosa natureza para o seu enriquecemento e cremento persoal.

Escola de nais e pais

Debido a un problema de saúde da persoa relatora, vémonos na obriga de pospoñer a xornada de formación do 8 de abril destinada ás familias sobre "Mediación e resolución de conflitos”.

Aínda así, contamos con vós na sesión do día 3 de abril de 16:30h a 18:30h, na que falaremos sobre Disciplina Positiva.

Master Class Zumba

Que mellor maneira de despedir estre trimestre que cunha clase de Zumba con toda a comunidade educativa da man de Inés, nai dun neno de Educación Infantil.

Despois diso compartiremos unha merendola saudable entre todos/as. Así que non o pensedes máis, e non dubidedes en acudir ás 11:00h e desfrutar desta convivencia.

Agardámosvos!

Punto laranxa

Dende hoxe temos dispoñible no noso centro e na Páxina Web un novo espazo chamado “Punto Laranxa”. Trátase dun lugar onde calquera persoa coñecedora dunha situación de posible acoso poida comunicalo. Esta comunicación será anónima e recibirase no centro a través dunha mensaxe que se despositará no buzón do punto habilitado ou a través da nosa páxina.