Charla informativa. A lingua galega: unha oportunidade.

Enviado por Dirección do Centro o Mér, 15/05/2024 - 10:54am

Estimadas nais, pais, familias

Desde o Servizo de Normalización Lingüística do Concello de Ames deseñouse unha charla informativa que vai impartir o escritor e comunicador Manuel Núñez Singala, baixo o título A lingua galega: unha oportunidade.

Nesta charla afondarase dun xeito ben ameno na adquisión da ou das linguas e coñeceremos estratexias para aproveitar as posibilidades lingüísticas dunha comunidade bilingüe.

A charla será en aberto para todas as familias, profesionais da educación (profesorado, persoal das escolas infantís, monitorado...) ou calquera outra persoa que poida estar interesada.

Será hoxe mércores, 15 de maio , ás 20.00 h na Casa da Cultura de Bertamirás e non é preciso inscrición previa.