O prazo de presentación  de solicitudes estará comprendido entre os días 1 e 20 de marzo do 2024.

 Toda a información sobre proceso de admisión publícase na aplicación admisionalumnado (https://www.edu.xunta.gal/admisionalumnado).

 Cada alumna/alumno só pode presentar unha única solicitude no centro no que solicite praza en primeiro lugar; en caso de duplicidade de solicitude esta suporá a perda dos dereitos de prioridade que poidan corresponderlle.

 Na solicitude pódese relacionar ata 6 centros por orde de preferencia.

INSTRUCIÓNS PARA A SOLICITUDE  DE PRAZA:

Para presentar unha solicitude deberá seguir algunha das opción descritas a continuación:

1.- Cubrir a solicitude ED550B informáticamente e presentala asinada de xeito manual no centro: Para presentar a solicitude presencialmente no centro deberá entrar na aplicación “admisionalumnado” (https://www.edu.xunta.gal/admisionalumnado), seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

2.-  Cubrir a solicitude informáticamente e asinala en Sede Electrónica:

Para presentar a solicitude a través da Sede Electrónica deberá acceder á aplicación “admisionalumnado” (https://www.edu.xunta.gal/admisionalumnado) con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.

IMPORTANTE:

Debe achegar, na Sede Electrónica da Xunta de Galicia, o anexo II bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación).

 3.- Cubrir a solicitude manualmente e presentala asinada presencialmente no centro, utilizando o formulario normalizado de solicitude (Formulario ED550B).

SOLICITUDE DE ADMISIÓN PARA ALUMNADO CON NECESIDADES ESPECÍFICAS DE APOIO EDUCATIVO:

O número de postos escolares por unidade reservados ao alumnado con necesidades específicas de apoio educativo en 4º de infantil será de 3.

Na solicitude de admisión os pais ou representantes legais deberán manifestar expresamente que ocupan unha praza reservada para alumnado con NEAE.

Xunto coa solicitude deberán achegar a documentación xustificativa das circunstancias manifestadas.

 Os centros deberán remitir as solicitudes xunto coa avaliación psicopedagóxica inicial no prazo máximo de 10 días hábiles á xefatura territorial, para a súa valoración no Equipo de Orientación Específico.

NORMATIVA:

 ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos

 DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

INFORMACIÓN COMPLEMENTARIA (arquivos):

Calendario de admisión

Criterio Complementario de admisión establecido polo CEIP Plurilingüe Amadeo Rodríguez Barroso

Plano da zona educativa de influencia do centro

Tríptico informativo sobre o Proxecto Educativo do Centro.

Resultado do sorteo para casos de desempate

Prazas Vacantes curso 2024_25

O luns 11 de setembro, darán comezo as clases do curso 2023/2024.

Desde o primeiro día desenvolveranse en horario normal, de 09:00 a 14:00h, agás nos grupos de 3 anos (4º de Educ. Infantil) que realizarán o periodo de adaptación.

As entradas ao centro realizaranse de acordo coa información que aparece no plano.

As saídas realizaranse tamén polas mesmas portas polas que entraron cada un dos cursos, ás 14:00h

Os familiares que acompañen as cativas e os cativos, e teñan que deixar ou recoller a máis dun alumno de diferentes cursos, poderá moverse dun lugar de entrada/saída ao outro por dentro do recinto escolar.

As entradas a ATENCIÓN TEMPERÁ, realizaranse pola porta principal do centro.

Ao longo do mes de setembro, o titor ou titora de cada grupo clase manterá unha xuntanza informativa inicial cos pais e nais do alumnado, para tratar aspectos relacionados coa organización do curso escolar. 

- Educ. Infantil 

     4º de Educ. Infantil (3 anos)   Martes   5 de setembro ás 12:00h, na sala de usos múltiples do centro. 

     5º de Educ. Infantil (4 anos)   Martes 12 de setembro ás 16:00h,  nas súas aulas.    

     6º de Educ. Infantil (5 anos)   Martes 12 de Setembro ás 17:30h, na sala de usos múltiples do centro.

- Educ. Primaria

     1º de Primaria, martes 19 de setembro ás 16:00h nas súas aulas (1º andar).

     2º de Primaria, martes 12 de setembro ás 16:00h nas súas aulas (1º andar).

     3º de Primaria,  martes 12 de setembro ás 16:00h nas súas aulas (1º andar).

     4º de Primaria,  martes 12 de setembro ás 16:00h nas súas aulas (1º andar).

     5º de Primaria,  martes 12 de setembro  ás 16.00h na sala de usos múltiples do centro.

     6º de Primaria,  martes 19 de Setembro  ás 16:00h na sala de usos múltiples do centro.

Os vales de material escolar e os vales para libros de texto, poden pasar a recollerse na secretaría do centro a partires do día 1 de setembro.

Durante o mes de agosto o servizo de administración do centro permanecerá pechado.

O alumnado admitido para o próximo curso no CEIP Plurilingüe Amadeo Rodríguez Barroso deberá formalizar a matrícula na Secretaría do Centro. O prazo de matrícula vai do 20 ao 30 de xuño. A documentación a presentar no momento de matricularse será a seguinte: 

• Impreso de matrícula debidamente cuberto e asinado.  Poderá recollerse na secretaría do centro ou descargarlo na páxina web.
• Fotocopia da tarxeta ou carnet de asistencia sanitaria.  Ambas caras da tarxeta deberán ir na mesma cara da fotocopia.
• Catro fotografías tamaño carnet, con nome e apelidos pola parte posterior.
• Certificación académica (XADE) do centro de procedencia do alumno/a, na que se especifique se promociona ou non (excepto para o alumnado de 4º de Educación Infantil).
• Fotocopia da cartilla de vacinas.

Como documentos adxuntos poden atopar o impreso de matrícula e outra documentación de interese relacioanada coa nova incorporación ao centro.

Convócase aos proxenitores do alumnado que vai cursar 4º de educación infantil (3 anos)  a unha reunión para o 27 de xuño ás 12:30, debendo acudir a ela sen os nenos ou nenas.

Picando na seguinte imaxe ou en "arquivo adxunto" pódese descargar a listaxe de libros de texto, dos diferentes niveis, que se van utilizar no centro durante o curso académico 2023-2024.