Recomendación de libros moi especiais
Ola Chicas e chicos:
Esta semana, apetecíame recomendarvos uns libros que me prestou un compañeiro voso e que me gustaron moito.
Creo que, como sempre, é importante compartir bos materiais, sexan libros, xogos, cancións....
Así que xa sabedes, anímovos a facer recomendacións.
Ata a próxima.
Buscapistas. Formación de usuarios.
Durante a semana do 25 de outubro inauguramos a nosa Biblioteca poñendo a proba as nosas aptitudes como detectives, coñecendo as distintas zonas da biblioteca e todo o que alí podemos atopar.
Nada máis chegar á Biblioteca atopabamonos unha maleta, encadeada e pechada cun cadeado que non podíamos abrir. Tamén había unha nota que nos levaba á zona da prensa para buscar unha palabra escondida entre os xornais:
A palabra escondida era MÚSICA. Así aprendimos que na nosa Biblioteca hai unha zona que contén libros con música e cds... Ao atopar esta zona descubrimos unha mensaxe segreda:
Esta mensaxe nos levaba á zona de lectura, a cada un dos grupos a súa zona de lectura, e alí atopábamos unha nova pista escondida entre os libros: dentro dun sobre había un quebracabezas...
Este quebracabezas conformaba a portada dun libro de consulta, e unha vez alí atopábamos un novo sobre cunha nova pista:
A nova pista nos levaba á zona de cómic, que ten unha nova ubicación dentro da Biblioteca. Alí, entre os cómics, atopamos un pendrive, que nos levaba á zona dos ordenadores:
No pendrive había un vídeo duns poemas dun libro sobre Rosalía de Castro. Tocábanos agora buscar a zona de poesía da nosa Biblioteca e atopar ese libro, cunha nova pista:
Xa queda pouco para rematar... Se o misterio queres liberar, nos xogos terás que buscar. Esta era a última pista, que nos levaba á zona de xogos.
Nos xogos por fin atopamos a chave que abría o cadeado e liberaba o misterio!!
24 de outubro Día das Bibliotecas
O domingo 24 de outubro celébrase o Día das Bibliotecas, unha conmemoración que desde 1997 é impulsada pola Asociación de Amigos del Libro Infantil y Juvenil, e á que se foron sumando o Ministerio de Cultura e todas as administracións autonómicas.
"A edición deste ano, baixo o lema "Biblitecas: ler, aprender, descubrir" céntrase en destacar o papel das bibliotecas de diferente tipoloxía como espazos libres, diversos e abertod apara o acceso á cutura e o coñecemento, a partir da lectura e do consunto de recursos que permiten a aprendizaxe e posibilitan o descubrimento doutras ideas, outras persoas, outras culturas e outros mundis."
Desde a escola quixemos aproveitar esta conmemoración para inaugurar a nosa Biblioteca e poder comenzar a facer os empréstitos. Durante toda a semana cada grupo-clase acudiu a este espazo para levar a cabo unha actividade de formación de usuarios, a través dun xogo de bucapistas...
Empezaba a andaina cunha maleta encadeada e cun cadeado pechado que escondía un misterio...
Cada pista que atopamos nos vai levando ás distintas zonas da biblioteca: prnesa, música, zona de lectura, zona de consulta, cómic, ordenadores, poesía, xogos, etc... Ata atopar a chave que abre o cadeado e desvela... un agasallo que ten que ver co noso proxecto deste ano sobre o Universo: Un universo na túa maleta.
Ambiente de lóxica - matemática. 2021 - 2022
Nos últimos días de setembro estivemos empregando materiais xa coñecidos do ano pasado, e pouco a pouco, unha vez que fomos lembrando como facer estas propostas, fomos engadindo algúns novos materiais e actividades.
Coma sempre, nesta zona da aula perseguimos favorecer a adquisición de contidos relacionados coa ordenación, seración, emparellamentos e agrupamentos, lóxica e estruturación espacial, recoñecemento dos números e asociación da grafía á cantidade...
Tanto a escalera marrón como as regretas son xa materiais coñecidos para nós, pero nos axudan a estruturar e ordenar o pensamento, así como a coñecer dviersas propiedades dos obxectos, como poden ser o grosor ou a lonxitude.
Outro material coñecido e que ademais nos axuda a afianzar a nosa coordinación óculo - manual e a reforzar a psicomotricidade fina son os pinchiños, que ademais de poder xogar libremente con eles, tamén facemos actividades máis dirixidas, como nesta ocasión que estivemos a facer series de dous e tres elementos.
Con novos xogos traballamos a lóxica, os emprellamentos, a atención, a concentración e a discriminación auditiva:
Tamén engadimos novos quebracabezas, que nos axudan na estruturación espacial, así como na planificación das nosas tarefas, e incluso co traballo en equipo cando xogamos xuntos.
E por último estivemos lembrando as grafías dos números, o conteo e a asociación da grafía coa cantidade con algúns materiais coñecidos do curso pasado.
E así seguiremos traballando neste ambiente da aula, afianzando os coñecementos adquiridos e progresando para, pouco a pouco, ir aprendendo cousas novas e seguir medrando.
PRIMEIROS DÍAS DO CURSO 2021-2022
Por fin chegou setembro. Moitas nenas e nenos estaban desexando volver ao cole, ver aos amigos/as e xogar xuntos de novo.
Así, nestes primeiros días de setembro, deixamos tempo para estes reencontros e momentos tan especiais. Case todos os materiais que puxemos ao alcance eran xa coñecidos para os cativos e o noso espazo apenas sufriu unhas pequenas modificacións con respecto ao final do curso pasado, o que nos permitiu dedicarnos a crear momentos xuntos e acoller aos novos compañeiros que empezaban esta nova andaina con nós.
Un dos ambientes da aula nos que puidemos reencontrarnos foi o espazo de arte, recordando os diferentes materiais e actividades que alí podemos atopar para dar rienda solta á nosa imaxnación e creatividad.
Outro dos espazos xa de sobra coñecido e querido é a zona de construcción e minimundos. Neste ambiente cambiamos a plataforma, ahora máis grande e algo máis baixa, para poder acceder ben. E nestes momentos podemos xogar cos dinosauros, creando historias e recreando mundos nos que estes animais sexan os protagonistas. E na zona da asemblea poden seguir construindo coas vías do tren, que de momento seguen formando parte das propostas da nosa aula.
No ambiente de xogo simbólico, mantemos a cociniña, os bonecos, a zona do sofá coa biblioteca de aula... E nos útimos días engadimos a mesa senorial para poder facer deliciosas receitas cos elementos que nela atopamos (actualmente fabas) e poder practicar os transvases. Nesta zona temos también unha serie de propostas de vida práctica que nos axudan, entre outras moitas cousas a fortalecer a musculatura das nosas mans, a avanzar na coordinación óculo - manual, etc.
E tanto na zona de lectoescritura como de lóxica-matemática, estivmos lembrando as propostas que deixamos a finais do curso pasado. Pouco a pouco, iremos engadindo actividades novas, segundo os ritmos dos nenos e nenas e a súa maduración.
E como non, desfrutamos dos nosos marabillosos espazos esteriores, coa gran novidade de que podemos empregar diferentes materiais de xogo:
Foron uns primeiros días fantásticos! Seguro que neste curso imos pasalo moi ben medrando xuntos!
- « primeira
- ‹ anterior
- …
- 27
- 28
- 29
- 30
- 31
- 32
- 33
- 34
- 35
- …
- seguinte ›
- última »