Competencia dixital e tratamento da información.

Esta competencia consiste en dispoñer de habilidades para buscar, obter, procesar e comunicar información, e para transformala en coñecemento. Incorpora diferentes habilidades, que van desde o acceso á información ata a súa transmisión en distintos soportes unha vez tratada, incluíndo a utilización das tecnoloxías da información e da comunicación como elemento esencial para informarse, aprender e comunicarse.

(...)

Dispoñer de información non produce de forma automática coñecemento. Transformar a información en coñecemento esixe de destrezas de razoamento para organizala, relacionala, analizala, sintetizala e facer inferencias e deducións de distinto nivel de complexidade; en definitiva, comprendela e integrala nos esquemas previos de coñecemento. Significa, así mesmo, comunicar a información e os coñecementos adquiridos empregando recursos expresivos que incorporen non só diferentes linguaxes e técnicas específicas, senón tamén as posibilidades que ofrecen as tecnoloxías da información e da comunicación.

  • Decreto 133/2007, do 5 de xullo, polo que se regulan as ensinanzas da educación secundaria obrigatoria na comunidade autónoma de Galicia. Anexo I: Competencias básicas. Páx. 12.045
Como podemos axudar ao noso alumnado a adquirir esta importante competencia, básica na Sociedade da información? Fíxate no destacado en cor verde pois veremos como os mapas de ideas serán unha boa feramenta para ensinar/aprender a adquirir esa parte da competencia dixital e do tratamento da información.

Última modificación: Luns, 21 de Decembro de 2015, 20:54