8.6. ÚLTIMAS FASES DA CAMPAÑA PUBLICITARIA
PRODUCIÓN
É o proceso que leva a cabo o departamento de Produción, se pertence á axencia, ou se recorre a empresas externas. Trátase da plasmación da mensaxe nun soporte material empregando os códigos necesarios e adecuado aos medios escollidos para difundila.
Nesta fase interveñen todos os procesos de maquetación, fotomontaxe, gravación audiovisual, etc.
Pero antes de facer a composición final preséntase ao anunciante un proxecto chamado “script” (guión escrito de todos os elementos) “story board” (como se fora un comic con viñetas e textos) ou “animatic” (vídeo de imaxes esenciais con sonido) se é para medios audiovisuais. Se a campaña é en medios escritos preséntase un boceto de imaxes, tipografía e textos[1].
FASE DE CONTROL E AVALIACIÓN.
Que realiza o Dpto. de Investigación se a axencia dispón del1.
o Pretest. O ideal é realizar un pretest da campaña. Se trata de avaliar a efectividade antes de difundir realmente os anuncios nos medios. Utilízase unha mostra do público obxetivo para valorar tanto o concepto, a expresión creativa ou o anuncio rematado. Poden empregarse aparatos que midan a percepción, o efecto emocional, as reaccións psicolóxicas, o nivel de recordo, o de atractivo, o de credibilidade, que comparen preferencia entre varios anuncios, etc.2
o Contínua. Mentres dure a difusión da campaña nos medios é necesario verificar que as insercións dos anuncios sexan as contratadas1.
o Postest. Avalía o efecto obtido sobre o público obxectivo. Poden ser ao remate ou durante a campaña, sobre o recordo, o posicionamento ou a conduta de compra2.
Ao mesmo tempo, o Dpto. de Medios ten que facer o Plan de Medios, que é a distribución dos anuncios nunha serie de medios deteminada cun presuposto económico concreto. Este departamento recibe o “briefing de medios” do Dpto. de Contas.
O Briefing de medios consta de1:
o Descripción da campaña: obxectivos, anunciante, produto e competencia.
o Público obxectivo.
o Medios solicitados polo cliente.
o Estratexia creativa.
o Presuposto de medios.
o Calendario proposto da campaña.
O Dpto. de Medios, a partires deste documento fai o Plan de Medios, que consta de:
o Definición de obxectivos de medios: determinar a cobertura, a frecuencia e o recordo que se pretenden acadar1.
· Cobertura: número de persoas do público obxectivo coa que se pretende contactar.
· Frecuencia: número de veces que queremos que estas persoas perciban a mensaxe.
· Recordo: nivel de efecto sobre a memoria que se quere provocar.
o Elaboración da estratexia de medios. Para elixir os medios que mellor se adapten aos obxectivos e a estratexia da campaña, hai que ter en conta1:
· Alcance óptimo, a coincidencia da audiencia do medio co público obxetivo da campaña (por exemplo, se son nenos, o horario infantil)
· Presuposto disponible, tendo en conta as tarifas vixentes e as posibilidades de negociación frente o medio.
· Limitacións legais: alcol, tabaco, publicidade electoral.
o Selección de soportes. Tendo en conta os tipos de medios, os seus soportes e formatos (Fig. 2) en base ás súas características (Fig. 3) e manexando as fórmulas de rendabilidade1(coste por mil, coste por impacto útil, coste por GRP ou punto de rating bruto, que é o % de impactos sobre o público obxectivo sen ter en conta as repeticións…)2 Estos coeficientes poden ser moi útiles para traballar en clases de Matemáticas, Mat. Aplicadas ás CCSS ou Estatística.
o Programación e distribución do presuposto. Actualmente un anuncio de TV pode costar entre 50.000 e 100.000 €, e nunha revista entre 5.000 e 10.000 €2
o Avaliación. É necesario coñecer os resultados obtidos. Manexan programas informáticos que cruzan os datos que proveñen da cobertura, frecuencia, GRP, rating, etc)1l
[1] Proyecto Media. Ministerio de Educación y Ciencia. CNICE. Coordinador. Alfeo Álvarez, J.C.
http://recursos.cnice.mec.es/media/publicidade/extras/docente/index.htm
2 Ortega, E. (2004) La comunicación publicitaria. 2ª edición. Pirámide. Madrid.