2.2 Coidados e mantemento
Coidados e mantemento
|
 |
Precaucións
Nunca empregue obxectos punzantes ou afiados
Non empregue borradores abrasivos nin sustancias químicas fortes para limpar a unidade.
Non deixe cinta adhesiva durante moito tempo sobre a superficie de escritura. É posible que o retirar a cinta se desprenda o recubrimento que permite borrar a pantalla interactiva en seco.
Evite a instalación da pantalla interactiva en zonas co po, humidade ou fume.
Limpeza da superficie
Antes de limpar a pantalla interactiva SMART Board, desconecte o ordenador.
Para ver a suciedade e as raias máis facilmente, coloque o proxector en modo inactivo (lámpada apagada).
Indicacións para manter limpa a superficie da pantalla
Non empregue rotuladores de borrado en seco porque son difíciles de borrar.
Non empregue rotuladores permanentes ou de tinta indeleble.
Se utilizou algún tipo de rotulador con tinta, borre a tinta canto antes. Canto máis tempo permaneza a tinta sobre a superficie, máis difícil será borrala.
Elimine o exceso de suciedade cun pano suave húmido antes de usar un líquido limpador.
Se o borrador non elimina por completo as marcas de tinta empregue un limpacristais de uso doméstico. Non pulverice o limpador directamente sobre a superficie da pantalla. En lugar diso pulverice unha pequena cantidade sobre un pano e limpe a pantalla suavemente.
Debe evitar que o exceso de limpacristais penetre entre o marco inferior e a superficie de escritura ou na bandexa do rotulador.
Use alcohol isopropílico para quitar manchas rebeldes e aureolas.
Como norma xeral utilice sempre os rotuladores orixinais proporcionados polo fabricante e, na medida do posible, evite utilizar calquera outro tipo de rotuladores que poidan danar a superficie táctil.
|