Publicada a resolución provisional de proxectos de formación presentados á convocatoria do 17 de novembro de 2022 da Dirección Xeral Formación Profesional pola que se convocan proxectos de formación do profesorado de formac ión profesional que se van implantar no curso 2022 2023 en centros públicos dependentes da Consellería de Cultura, Educación, Formación Profesional e Universidades.

Publicada a Resolución do 15 de novembro de 2022 pola que se dá publicidade a resolución de concesión do concurso Eduemprende Idea 2022, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos (Diario Oficial de Galicia do 29 de novembro de 2022), convocado pola Resolución do 30 de marzo de 2022 (Diario Oficial de Galicia do 11 de abril de 2022).

O CIFP Carlos Oroza, o CIFP As Mercedes e o CIFP Ánxel Casal - Monte Alto acceden á Rede Estatal de Centros de Excelencia de Formación Profesional coas mellores puntuacións de todo o territorio español nunha convocatoria competitiva no que se valorou o seu traballo e capacidade para ser referentes nos ámbitos da innovación aplicada e do emprendemento activo.

Publicada a convocatoria de proxectos de formación do profesorado de formación profesional que se van implantar no curso 2022-2023 en centros públicos dependentes da Consellería de Cultura, Educación, Formación Profesional e Universidades.

Cada proxecto deberá contar cun coordinador ou cunha coordinadora e poderá incorporar profesorado de diferentes centros que compartan a súa necesidade de formación, coa finalidade de acadar o óptimo aproveitamento dos recursos.

Publicada a listaxe provisional de persoas admitidas e excluídas de bolsas do programa Retorna Mocidade convocadas pola Orde do 4 de agosto de 2022. Data de publicación: 14/11/2022

Poderanse presentar as reclamacións oportunas no prazo de cinco días hábiles contados a partir do día seguinte ao desta publicación.

Os días 9 e 10 de novembro terá lugar o II Encontro galego sobre Ciberseguridade no Edificio Fontán da Cidade da Cultura de Galicia que contará coa participación como relatores de profesorado e alumnado dos Cursos de Especialización en Ciberseguridade dos centros CIFP Politécnico de Santiago, CIFP Rodolfo Ucha e IES San Clemente, que impartirán tamén os obradoiros técnicos Wireshark/tshark para análise forense en rede e Threat Hunting e Intrusión nunha contorna de Directorio Activo e análise forense dese ataque.

Publicada a listaxe de solicitudes admitidas e excluídas das bolsas Retorna mocidade convocadas pola Orde do 4 de agosto de 2022. Data de publicación: 31/10/2022

Publicada a Orde do 13 de outubro de 2022 pola que se fai pública a resolución das axudas económicas para o alumnado que realiza formación práctica en centros de traballo ou formación profesional dual, convocadas pola Orde do 7 de xuño de 2022.

• Orde do 13 de outubro de 2022
• Máis información sobre as axudas FCT