Plan do centro
Vixencia
Introdución
Contexto DAFO
Obxectivos
Seguimento
O procedemento de seguimento do desenvolvemento do plan e da consecución de obxectivos, para o que contamos coa colaboración da nosa Mentora ADIX, é o seguinte:
- No contexto da avaliación procesual a frecuencia da súa realización será como mínimo unha vez ao trimestre, coincidindo coas reunións de claustro e consello que se celebrarán no centro. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. Tamén valoraremos como imos seguir traballando no vindeiro curso escolar.
- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.
No primeiro trimestre comezamos a traballar con varios dos obxectivos:
- Obxectivo 1: Favorecer o intercambio de experiencias no uso de ferramentas dixitais entre o persoal docente. Fixéronse reunións co profesorado para repartir o traballo, e tamén se organizaron reunións en pequenos grupos de profesorado para o manexo da radio como ferramenta de aprendizaxe fóra da aula. Creouse tamén un apartado na páxina web do centro onde se van incluíndo respositorios de materiais para intercambiar experiencias. Tamén na aula virtual do centro temos un apartado onde imos engadindo titoriais do uso das distintas ferramentas dixitais: radio, bancos de sons e música libres de dereitos, licenzas e uso de materiais con licenzas CC, etc.
- Obxectivo 2: Mellorar o uso das paneis dixitais interactivos. Neste aspecto tivemos unha sesión co asesor Abalar o día 20 de outubro, tamén fixemos un intercambio de experiencias en pequenos grupos e de xeito informal no que revisamos como usar os paneis dixitais nas aulas. Por outra banda, comezamos a facer titoriais e vídeos sobre ocmo crear wifis nas aulas cos paneis dixitais ou como se pode dividir a pantalla.
- Obxectivo 3: Mellora a conectividade do centro. A principios de curso conseguimos ter rematada a wifi no centro, agás nos despachos de dirección. Fixéronse a continuación titoriais para amosar como configurar a wifi nos dispositivos do profesorado.
- Obxectivo 4: Actualización do persoal do centro no manexo de ferramentas dixitais administrativas. Neste aspecto estase a seguir facendo titoriais e vídeos que se comparten na aula virtual do centro.
- Obxectivo 5: Facilitar a accesibilidade a aula virtual e demais aplicacións dixitais do centro. Na páxina web hai dous apartados para isto: Ferramentas dixitais de centro e Decálogos de protección de datos e dereitos de autoría.
Non houbo avances neste trimestre.
No terceiro trimestre traballamos nos seguintes obxectivos:
- Obxectivo 1: Favorecer o intercambio de experiencias no uso de ferramentas dixitais entre o persoal docente. Houbo algúns obradoiros para profesorado e alumnado sobre o manexo da radio como ferramenta de aprendizaxe fóra da aula. Na aula virtual do centro temos un cursos onde imos engadindo titoriais do uso das distintas ferramentas dixitais: radio, bancos de sons e música libres de dereitos, licenzas e uso de materiais con licenzas CC, etc.
- Obxectivo 2: Mellorar o uso das paneis dixitais interactivos. En abril de 2024 instaláronse 17 novos paneis noutras tantas aulas. Tivemos tres sesións organizadas pola coordinadora TIC para aprender o manexo básico e distintas utilidades dos paneis dixitais. Continuamos a facer titoriais sobre os paneis dixitais que están a disposición do profesorado nun curso da aula virtual "Uso dos paneis dixitais interactivos" con acceso de convidado.
- Obxectivo 3: Mellora a conectividade do centro. A principios de curso conseguimos ter rematada a wifi no centro, agás nos despachos de dirección. Fixéronse a continuación titoriais para amosar como configurar a wifi nos dispositivos do profesorado. Aumentou o número de profesorado que usa a wifi do centro.
- Obxectivo 4: Actualización do persoal do centro no manexo de ferramentas dixitais administrativas. Neste aspecto estase a seguir facendo titoriais e vídeos que se comparten na aula virtual do centro.
- Obxectivo 5: Facilitar a accesibilidade a aula virtual e demais aplicacións dixitais do centro. Na páxina web hai dous apartados para isto: Ferramentas dixitais de centro e Decálogos de protección de datos e dereitos de autoría.
Avaliación
O procedemento de avaliación do desenvolvemento do plan e da consecución de obxectivos será o seguinte:
- Unha vez ao trimestre avaliarase o progreso da execución das accións, valorando os resultados e, de ser o caso, modificaranse as accións.
- Ao final do curso escolar faremos unha avaliación global dos resultados para consider os aspectos a mellorar no vindeiro curso escolar.
Mellorou considerablemente a conectividade do centro o que favorece o proceso de ensino aprendizaxe na comunidade educativa.
Por outra banda, a instalación dos paneis dixitais en case todas as aulas mellorou a metodoloxía no ensino de linguas.
Os obradoiros sobre ferramentas dixitais, como uso da Intelixencia Artificial, Excel, podcasts e creación e edición de video foron fundamentais para avanzar na dixitalización do profesorado e do alumnado.
Seguir a traballar na dixitalización da comunidade educativa mediante obradoiros, formación e aprendizaxe entre iguais.
Comunicación e difusión
Este plan foi presentado ao claustro e consello escolar do centro e publicarase na web da EOI. A medida que vaiamos conseguindo os obxectivos publicaremolo nas redes sociais para darlle publicade e que a comunidade educativa o saiba.
Nas reunións de claustro e consello do curso escolar 2023-2024 haberá un punto na orde do día que será a consecución dos obxectivos marcados neste plan. Así toda a comunidade educativa poderá estar informada de como imos avanzando na consecución destes así como plantexarnos as necesidades de cara ao vindeiro curso escolar.
O Plan Dixital da EOI da Coruña estará accesible nesta URL.