Transporte marítimo e pesca de altura
Cales son os módulos deste ciclo?
PRIMEIRO CURSO | HORAS |
Administración e xestión do buque e actividade pesqueira | 133 |
Formación e orientación laboral | 107 |
Inglés | 160 |
Manobra e estiba | 240 |
Navegación, goberno e comunicacións do buque | 267 |
Organización da asistencia sanitaria a bordo | 53 |
SEGUNDO CURSO | HORAS |
Control das emerxencias | 157 |
Empresa e iniciativa emprendadora | 53 |
Proxecto de implementación dunha ruta de transporte marítimo | 26 |
Garda de ponte | 210 |
Pesca de altura e gran altura | 210 |
Formación en centros de traballo | 384 |
Que se aprende a facer?
Planificar, xestionar e executar as actividades de buques nas condicións que determinen as administracións competentes para este nivel, dirixindo e controlando a seguridade, a navegación, as manobras e as operacións de carga, estiba e descarga, así como a extracción, a manipulación, o procesamento e a conservación da pesca, optimizando a produción e cumprindo a normativa estatal e internacional.
En que ámbitos se traballa?
En buques dedicados ao transporte marítimo de carga e/ou pasaxeiros, ou en buques pesqueiros, de natureza pública ou privada, dentro dos límites e das atribucións que estableza a Administración competente. A actividade profesional está sometida a regulación pola Administración competente. Así mesmo, a súa formación permítelle desempeñar funcións do seu nivel desembarcado, en empresas e entidades pertencentes ao sector marítimo pesqueiro.
Que ocupacións se desempeñan?
Patrón/patroa de altura; patrón/patroa de gran altura; patrón/patroa ao mando de buquesde pesca, buques mercantes de carga e de pasaxe, e iates de gran eslora; primeiro/a oficial de ponte; oficial de ponte en buques de pesca, buques mercantes de carga e de pasaxe, e iates de gran eslora; oficial encargado/a da garda ou o mando de embarcacións dedicadas a vixilancia fiscal, inspección pesqueira, investigación oceanográfica,seguridade e salvamento marítimo; inspector/ora de flota; axente de consignatarias;axente de seguros marítimos; supervisor/ora de montaxe e armaxe de artes e aparellos de pesca.
Que título se obtén?
Técnico superior en Transporte Marítimo e Pesca de Altura.
A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.
Titulación profesional
Patrón/oa de altura. Consulte as atribucións e os requisitos de obtención AQUÍ.
Máis información en www.edu.xunta.es/fp/