Skip to Content

blogue decdepaz

A fume de carozo

Mar, 01/03/2011 - 13:51 — cdepaz

O alumnado de ciclos participou na edición dun programa de radio. Aquí está o enlatado completo:

 
Se tes problemas para escoitalo aquí, segue esta ligazón.

 

Traballando co ADN

Sáb, 05/02/2011 - 03:02 — cdepaz

 Si, si, como o ledes. Na Sardiñeira non estamos tan lonxe de LA ou de Miami, polo menos no que a tecnoloxía científica se refire. Sen ir máis lonxe estes días, no módulo de ensaios biotecnolóxicos, no segundo curso do ciclo de "Laboratorio de Análise e de Control de Calidade" estamos a traballar co ADN. Non é que pretendamos clonar un mamut nin nada semellante, as nosas intencións non van tan lonxe, aínda que algunhas das técnicas que aprendemos son comúns coas usadas en ese tipo de proxectos.

O que estamos a facer é estudar a actividade de certas enzimas de restricción, que rompen as moléculas de ADN en determinados puntos segundo a secuencia de bases que teñan. A reacción ten lugar nuns tubiños pequeños e logo separamos os fragmentos mediante unha técnica chamad electroforese en xel de agarosa. 

Cousas dos Ciclos

Mér, 19/01/2011 - 13:51 — cdepaz

Aquí vos deixo unha foto dunhas disolucións coas que estamos a traballar estes días no laboratorio de Biotecnoloxía dos Ciclos Formativos. A práctica, concretamente, consiste en estudiar a actividade dunha enzima, a celobiasa, que rompe a ligazón glicosídica beta(1-4) da celobiosa, un disacárido natural obtido a partires da celulosa. Si, esa molécula da que sempre escoitamos falar por formares parte da parede celular nas células eucariotas vexetais.

Coas disolucións da imaxe, de concentracións coñecidas, facemos unha curva patrón cun aparello chamado espectofotómetro, medindo a luz (de 410 nm de lonxitude de onda) que atravesa cada disolución. Logo podemos usar esa curva para saber a concentración de outras disolucións do mesmo composto pero das que non sabemos a súa concentración. Se queredes ver algo de esto, falade co voso titor/a ou profe de ciencias para que vos traia a ver os laboratorios de Ciclos do IES "A Sardiñeira". 

 

Disoluciones patrón p-Nitrofenol

Para ler en liña

Mér, 02/06/2010 - 18:00 — cdepaz
Distribuir contido


by Dr. Radut