Alumnos e profesores do noso centro estamos participando no Plan Proxecta: “O monte vivo”, no que realizamos unha actividade de custodia (xunto co CFEAF de Lourizán)dunha parcela de monte a carón do instituto co obxectivo de restaurar o monte inzado de especies invasoras (eucalipto e mimosa),e transformalo nun bosque mixto de frondosas. Os traballos xa foron iniciados o curso anterior, e neste presente xa se levan feito traballos de eliminación de invasoras e plantación e sementeira de árbores e arbustos.
Ademais dos traballos de campo, na aula profundizamos no estudo da biodiversidade dos nosos bosques e matogueiras, no problema dos incendios e na ordenación do monte.