O centro
Familias
Iniciar sesión
Un proxecto con moita vida
admin — Sáb, 2024-01-06 23:59
¡Benvido/a ó grupo de traballo de Sostibilidade! Este equipo xurdiu co firme propósito de promover iniciativas ecolóxicas na nosa contorna. Comezamos a nosa andaina no curso 21-22 cun proxecto fundamental: a implantación de papeleiras de reciclaxe no noso instituto, promovendo dende o principio a importancia da separación do lixo.
Asemade, o curso 22-23 mergullámonos na crise mundial da auga, explorando a magnitude do problema a través de documentais e informativos, con especial atención ao reto que ten a rexión do levante español. Esta experiencia sensibilizounos na urxente necesidade de actuar para preservar este recurso vital.
Este ano céntrase nos modelos de consumo e na conservación forestal. Por unha banda, pretendemos explorar e promover prácticas de consumo responsables e respectuosas co medio ambiente. O noso obxectivo é coñecer modelos sostibles a nivel mundial, senón ser quen de aplicalos a nivel local.
Por outra banda, embarcaremos nun apaixonante proxecto de conservación forestal, colaborando estreitamente coa comunidade de montes. A preservación dos nosos bosques é fundamental para manter o equilibrio ecolóxico e estamos convencidos de que a colaboración coa comunidade local é fundamental para acadar este obxectivo.
Agradecemos o apoio de todos os implicados ata o momento e facemos unha invitación aberta a todos aqueles que desexen unirse a nós nesta viaxe cara a un futuro máis sostible. Xuntos, podemos marcar a diferenza e construír un ambiente máis respectuoso co noso planeta. Sigamos traballando xuntos pola sustentabilidade