EXPOSICIÓN DE TRABALLOS DE TECNOLOXÍA DE 1º DE ESO: "OS MALETÍNS DA INNOVACIÓN".

A rapazada de 1° ESO, pertencente aos grupos A e C, descubriu moitos inventos e inventores na visita ó Muncyt da Coruña que fixo antes das vacacións de nadal; e disto dan conta os abraiantes traballos que estiveron expostos na semana do 6 o 10 de febreiro na entrada do instituto. Baixo o nome "Os maletíns da innovación", esta mostra reflectiu o fabuloso traballo de investigación levado a cabo polo alumnado destes grupos en relación a inventoras e inventores españois relevantes ó longo da historia. Para iso, recrearon os maletíns destas figuras, recollendo neles os datos máis importantes das súas vidas, describindo como eran os aparellos que fabricaron, explicando o seu funcionamento e destacando as melloras e o impacto que supuxeron ditos inventos para a sociedade e a tecnoloxía.

Aquí tedes unhas fotografías da exposición; tamén podedes ver un video elaborado polo Equipo da Biblioteca e o EDLG.