Charla da bióloga e investigadora Tamara Hermida do INBIC- CICA (A Coruña) sobre enxeñería celular e xenética para o alumnado de Cultura Científica de 1º de Bacharelato.
Charla da bióloga e investigadora Tamara Hermida do INBIC- CICA (A Coruña) sobre enxeñería celular e xenética para o alumnado de Cultura Científica de 1º de Bacharelato.
O pasado martes 26 de abril, a bióloga e investigadora científica do CICA e do INIBIC da Coruña Tamara Hermida, impartiu no Salón de Actos do IES Monte das Moas unha charla ao alumnado de Cultura Científica de 1º Bacharelato, organizada polo Departamento de Física e Química.
O tema que tratou foi a clonación e as células nai, así como a importancia da investigación nas mesmas para o tratamento de enfermidades.
Nestes momentos, os/ as alumnos/ as desta materia están a traballar en clase contidos sobre Revolución Xenética e Biotecnoloxía cos seus profesores Eva Fernández Quintás e José Carlos Areán Buján, polo que esta charla ademais de ser útil resultou moi motivadora para eles/ as.
Tamara, mediante esta divulgación científica realizada no instituto, tamén incidiu na importancia da investigación científica en Galicia e en España, en concreto no campo da investigación biomédica; e resaltou que son moitas as científicas que se dedican a esta gran labor en beneficio da sociedade.
