CHARLAS DE NEUROCIENCIATE PARA ALUMNADO DE 1º E 2º DE BACHARELATO E 4º DE ESO.

CHARLAS DE NEUROCIENCIATE, ORGANIZADAS POLO DEPARTAMENTO DE FILOSOFÍA, PARA  ALUMNADO DE 1º DE BACHARELATO DE FILOSOFÍA, DE 2º DE BACHARELATO DE PSICOLOXÍA E DE 4º DE ESO DE FILOSOFÍA.

Os días 27 e 28 de abril tiveron lugar, coordinadas polos profesores do Departamento de Filosofía, José Luis Rodríguez Alcalá e Fidel Blanco Rodríguez, diversas charlas para alumnado de 1º de Bacharelato de Filosofía, de 2º de Bacharelato de Psicoloxía e de Filosofía de 4º de ESO, do Proxecto Divulgativo NeurocienciaTE, que busca dar visibilidade ás saídas profesionais relacionadas coa investigación en Galicia.

A través de das redes sociais, e de charlas en centros educativos, NeurocienciaTE busca conectar de forma cercana co alumnado de Secundaria e Bacharelato para despertar o interese na investigación en neurociencias e visibilizar as saídas pofesionais neste campo; para interactuar de forma máis directa coas dúbidas e inquedanzas do alumnado; para difundir eventos relacionados coa neurociencia; e para contribuír á redución da fenda de xénero nas carreiras científicas e tecnolóxicas, visibilizando o papel da muller na investigación.