Casos Covid. Información para as familias

Ante a aparición de novos casos confirmados de COVID no IES Ramón Menéndez Pidal, queremos tranquilizar e explicar á comunidade educativa que o Equipo directivo e o Equipo Covid do Centro están a seguir o protocolo establecido polas autoridades sanitarias, que respecta a Lei de Protección de Datos dos casos rexistrados.

O protocolo indica que o equipo COVID do Centro, no momento no que recibe a notificación dun caso confirmado positivo, comunica a incidencia de forma inmediata á Xefatura Territorial de Educación e á Xefatura Territorial de Sanidade. Será esta última quen determine as medidas a adoptar no Centro e, de ser o caso, contactará coas familias afectadas e as consideradas contacto estreito, para indicar o procedemento a seguir.

No caso que nos ocupa, a Autoridade sanitaria pertinente non indicou medidas distintas ás que xa se levan a cabo diariamente no Centro. No caso de novas instrucións, actuaremos según as indicacións e seredes informados das mesmas.

VOZ NATURA CURSO 2020/2021

Este ano, o proxecto Voz Natura do Zalaeta e o Club de Ciencia teñen como novidade o traballo conxunto co Colexio de Educación Especial María Mariño de A Coruña. Este centro, que conta con FP Básica de Xardinaría e Viveirismo, está a traballar na recuperación de froiteiras da nosa contorna e na práctica de adecentamento de zonas de xardín. A proposta nestes tempos de covid no que a nós se refire é facer un intercambio de plantas (xa nos deron "faballóns" e agora queren as nosas "calas"), e de guía de cultivos (pois eles traballan cunhas sementes que tras algúns meses de crecemento imos colocar no Instituto tras recibir asesoramento por videoconferencia se non pode haber intercambio de rapazada). Trátase de realizar un traballo de inclusión e natureza ao tempo, no que interveñen varios proxectos do instituto: Club de Ciencia Zalatecno, Deseño e Son a través do programa de cultura inclusiva e accesible da Fundación Emalcsa, e o Club de Letras con O Son das Aulas, dedicando unha sección do seu programa ao seguimento destas tarefas.
 
 
O alumnado participantes será o de 1º de ESO e o profesorado que desenvolve esta actividade é Eva Mariño, Andrés Vázquez e Tono Frade. 
 
Programa Voces de A Coruña coa intervencion de Tono Frade e alumnado participante (min 1.30 a 8)
 

XORNADAS DE PORTAS ABERTAS

CANCELADAS AS XORNADAS DE PORTAS ABERTAS
Seguindo instrucións da Xunta de Galicia relativas á xestión da Covid 19, vémonos na obriga de CANCELAR as xornadas de portas abertas que se ían celebrar a semana próxima.
Desculpen as molestias.

Actividade dirixida a aquelas familias que están pensando en matricular aos seus fillos ou ás súas fillas en 1° de ESO de cara ao curso 2021/2022, e que polo tanto deben de realizar a reserva de praza entre os días 11 de xaneiro e 8 de febreiro do 2021.
Abrimos as portas do noso centro para que poidan coñecer a forma de traballar do mesmo así como as súas instalacións e os proxectos educativos activos no mesmo.
 
"O futuro comeza agora"
 
⚠️IMPORTANTE: só poderá asistir un membro de cada familia, respectando en todo momento a normativa sanitaria vixente e o protocolo existente no centro de cara ao tempo de permanencia no mesmo.
 

ADMISIÓN ESO E BAC - CURSO 2021/22

Inicio do procedemento de admisión de alumnado en centros docentes sostidos con fondos públicos para o curso 2021/2022.

  • Prazo de solicitudes: do 11 de xaneiro ao 8 de febreiro de 2021, ambos os dous incluídos.
  • A solicitude poderá presentarse de acordo con algunha das opcións existentes.
  • A consulta das listaxes de alumnado admitido, que se publicarán antes do día 28 de febreiro, debe realizarse no centro no que está matriculado no presente curso ou na aplicación admisionalumnado.

 

 

Resposta do Hospital de A Coruña á postal navideña do alumnado

Queremos facervos partícipes da emoción e ledicia que sentimos despois de recibir esta mensaxe de agradecemento dos traballadores e traballadoras da UCI Covid do CHUAC da Coruña, que recibiron unha das postais de Nadal que enviou hai uns días o EDLG. Prestade atención á mensaxe que nos piden que vos fagamos chegar, é para VÓS, é para NÓS. Bo Nadal!

 

Buenas tardes,

Hoy, el equipo de UCI del Hospital de A Coruña recibimos una tarjeta de agradecimiento de los alumnos del instituto. La verdad es que nos ha emocionado, y no queremos dejar de agradecérselo a ellos.
Por eso pedimos que por favor, si es posible, les hagáis llegar esta tarjeta a los alumnos.
Muchas gracias y Felices y Responsables Fiestas
 
Esther Gago 
Coordinadora de Enfermería de UCI 5
Hospital A Coruña

BO NADAL!

 
O IES RAMÓN MENÉNDEZ PIDAL quere desexarvos un Bo Nadal e transmitirvos os mellores desexos para 2021. Queremos aproveitar tamén para dar as grazas a alumnado, familias, profesorado e persoal non docente por todo o voso esforzo nesta primera avaliación. Unha avaliación na que...
✔ Aprendemos a importancia de gardar as distancias, sabedores de que tiñamos que estar máis unidos e unidas ca nunca.
✔ Tivemos que falar coa boca tapada, pero sen por iso deixar de transmitir as nosas ideas, mensaxes e preocupacións.
✔ As clases se converteron en auténticas cicloxénesis explosivas debido á ventilación e o frío, mais continuamos sen amedrentarnos porque somos #PeixesDeMoitoCoidado
✔ Lavamos as mans ata converter ese proceso nunha máis das nosas rutinas diarias.
✔ Incorporamos a formación semipresencial, decatándonos de que na aula é onde mellor estamos.
E todo isto sen deixar de aprender día a día, sendo constantes e esforzándonos para que os tres meses máis estranos da nosa vida escolar transcorrensen coa maior normalidade posible. É momento de tomar un respiro, coller folgos e coidarnos para coidar a todos os que nos rodean. Desfrutade do Nadal, e do merecido descanso. En xaneiro, voltamos!
...........................
CONCURSO DE POSTAIS: postais gañadoras seleccionasas pola @anpaieszalaeta
1. Montse Cortizo (Dep. de Comercio)
2. Nuria Pérez (Dep. de Comercio e EDLG)
3. María Josefa Castro (Dep. de Lingua e Literatura Galega e coordinadora do EDLG)
4. Alumnado de 1A da ESO
5. Martina Núñez, Julieta Surribas, Benjamín Núñez e David Carril

Últimos Artigos

Theme by Danetsoft and Danang Probo Sayekti inspired by Maksimer