blogue deadmin

Dereitos humanos from Xabier Marques on Vimeo.

Unha mostra audiovisual do que foi o noso Festival dos Dereitos Humanos.

Podedes ver canto aprendemos e o ben que o pasamos!!

Temos que agradecerlle esta montaxe a Xabier Marqués, que conseguiu darlle vida a todas estas imaxes. 

Unha chiscadela tamén para o equipo de Biblioteca que coordinou todas estas actividades (Begoña, Iolanda, Carmen e Fe).

Data: 21 de xuño de 2013

Enlace para ler a nova en "La Voz de Galicia"

A voz de Galicia presenta unha pequena reportaxe sobre os nosos clubs de lectura. Fai un percorrido pola andaina dos nosos clubs ata chegar aos tres que temos hoxe. Convén engadir a estas reflexións o grao de participación do profesorado que se implicou nesta iniciativa desde o primeiro día; a colaboración dos pais que levan connosco varios cursos e, naturalmente, o traballo de moitos d@s alumn@s que pasaron polo club e dos que nestes momentos están a participar. Parabéns a todos eles e oxalá que cumpramos "mil primaveras máis".

Este sábado 1 de xuño asistimos á Festa de Voz Natura en Culleredo.

Esta imaxe pertence ao noso stand.

Do IES da Illa de Arousa fomos máis de 40 persoas en autobús para disfrutar desta festa.

A nosa exposición contaba cun mural titulado "Enerxía positiva", fornos solares, xabón feito con aceite usado e papel reciclado feito no noso Centro.