Skip to Content

Xornadas de portas abertas no IES Ferrol Vello

Dom, 15/01/2023 - 22:58 — esirelma

Os días 17 e 24 de xaneiro (ás 16:30) terán lugar xornadas de portas abertas para que as familias interesadas en matricular aos seus fillos/as poidan coñecer as instalacións do centro, a súa organización académica, as medidas de atención á diversidade que aplicamos e os programas e proxectos educativos en que estamos a traballar. 

Recomendacións de lectura Nadal 2022

Ven, 23/12/2022 - 12:45 — esirelma

Compartimos as propostas de lectura do equipo de biblioteca. Felices festas!

 

 

 

Actividades 25 de novembro

Mar, 20/12/2022 - 15:07 — esirelma

Este ano as actividades polo Día Internacional para a Eliminación da Violencia contra a Muller incluíron a lectura dun manifesto e un minuto de silencio en memoria das vítimas desa violencia. Durante as semanas anteriores realizáronse actividades de concienciación nas titorías como as red/green flags para valorar comportamentos e actitudes.

 

 

Magosto 2022

Mér, 09/11/2022 - 12:55 — esirelma

 

 

 

 

 

Traballos sobre a célula

Mér, 09/11/2022 - 12:41 — esirelma

Compartimos os traballos sobre a célula realizados polo alumnado de Bioloxía e Xeoloxía.

 

 

 

 

Préstamo dixital na plataforma E-LBE2

Mar, 25/10/2022 - 11:00 — esirelma

Anexamos as instrucións para acceder á plataforma E-LBE2. 

Calendario eleccións Consello Escolar

Mar, 25/10/2022 - 10:38 — esirelma

Subimos o calendario das eleccións ao Consello Escolar deste ano. Os únicos sectores que escollen representantes son o de profesorado e alumnado.

As coordenadas do IES Ferrol Vello

Xov, 20/10/2022 - 23:07 — esirelma

O profesor Jorge Gutiérrez e a alumna de 4º Eva Lorenzo crearon cunha impresora 3D as coordenadas do noso centro.

 

 

Presentación curso 2022-2023

Mér, 07/09/2022 - 17:42 — esirelma

A presentación realizarase o día 8 de setembro ás 9:00 da mañá. Posteriormente, haberá clase normal até as 14:30.

Resumo de normas do centro

Mér, 07/09/2022 - 00:02 — esirelma

Centro pechado

Ven, 22/07/2022 - 13:21 — esirelma

O centro permanecerá pechado a partir do 26 de xullo até o 1 de setembro. Para calquera cuestión escriban ao correo electrónico do centro. No caso de urxencia chamen ao 630334916.

Horario de verán

Lun, 11/07/2022 - 09:48 — esirelma

A partir do 11 de xullo, o horario de atención do centro será de 9:30 a 13:30.

Certificación de linguas estranxeiras

Mér, 06/07/2022 - 12:51 — esirelma

Para o curso 2022-2023 a Consellería implementou axudas para realizar a acreditación de nivel de lingua estranxeira (no noso caso, inglés). A solicitude destas axudas (3º e 4º de ESO) realízase a través do centro, asinando un compromiso polo cal o alumno/a se compromete a presentarse á proba de certificación e que se pode cubrir no centro (en arquivo adxunto).

Para máis información consultar a seguinte ligazón.

 

Libros de texto para o curso 22-23

Mér, 29/06/2022 - 23:24 — esirelma

Estes son os libros de texto (arquivo anexo) para o curso 2022-2023. Algúns dos libros (en 2º e 4º) serán entregados polo centro. Para as materias que aparezan coa indicación E-Dixgal non terán que adquirir libro de texto, xa que se traballará coa plataforma dixital.  

Matrículas de honra

Mar, 28/06/2022 - 10:39 — esirelma

Parabéns aos mellores expedientes da ESO, aos cales se lle outorgou este ano a matrícula de honra.

 

 

Noa Cuesta Fuentes (4º ESO B)

Mateo Dopico Rodríguez (4º ESO B)

Julián Martín Vaquero (4º ESO A)

 

Matrícula 2022-2023

Lun, 20/06/2022 - 10:05 — esirelma

Subimos o documento de matrícula e as instrucións para a súa realización. A matrícula presentarase do 30 de xuño ao 8 de xullo. No documento aparecen os días divididos por grupos, pero serían só datas de atención preferente. 

Entre os documentos figura a folla de inscrición na ANPA de Ferrol Vello. A cota sería de 15 euros para todo o curso e o pagamento faríase na conserxería do centro.

Entrega premios do concurso de debuxo Affinor e "The Big Challenge"

Ven, 17/06/2022 - 00:14 — esirelma

Por 5º ano consecutivo o IES Ferrol Vello colabora coa Asociación de Fibromialxia e Fatiga Crónica do Noroeste (AFFINOR) nun proxecto de divulgación e concienciación da enfermidade entre os máis novos. A través dunha presentación realizada polas alumnas do centro explicáselles ao alumnado de 1º en que consiste a doenza. Depois, na aula de Educación Plástica, plasman a súa visión da enfermidade.

Este ano os os debuxos premiados foron os de Lara Cruz Saavedra (gañadora),  Valentina Álvarez Rubido e Breogán Paz López (finalistas).

 

 

Concurso de inglés “The Big Challenge”

Desde hai xa sete anos, o IES Ferrol Vello participa nun concurso de inglés a nivel nacional, The Big Challenge, obtendo sempre excelentes resultados. Ademais, dos premios provinciais aos que están xa acostumados, este ano obtiveron un primeiro premio nacional. O alumno Diego Manín Abelleira, de 1º ESO, obtivo unha puntuación de 350/350, superando 7476 contrincantes.

Pola súa parte, Inés Carrera, de 2º ESO,  Xaime Méndez e Julián Martín, de 4º ESO, resultaron gañadores provinciais na súa categoría e obtiveron un décimo e un vixésimo oitavo posto nacional, respectivamente.

 

O concurso realízase de forma online na aula de informática e os alumnos dispoñen de 45 minutos ininterrompidos para contestar un cuestionario de 55 preguntas, no cal se avalían diferentes destrezas lingüísticas e culturais.

 

Bolsas para alumnado NEAE

Lun, 13/06/2022 - 09:20 — esirelma

Está aberto o prazo de presentación de solcitudes para as bolsas para alumnado con necesidades específicas de apoio educativo do ministerio de Educación.

Remítennos do programa de bolsas do ministerio as seguintes aclaracións:

1) ACLARACION INFORMES PSICOPEDAGÓXICOS.

 

Os únicos informes psicopedagóxicos válidos en tódalas necesidades para a solicitude da bolsa (segundo a convocatoria) son os realizados, avaliados e emitidos por:

 

 

  • Equipo de Orientación específica (A Coruña).

  • Departamento de Orientación do Centro Educativo.

 

2) DOCUMENTACION COMPLEMENTARIA A PRESENTAR XUNTO COA SOLICITUDE

 

 

  • Certificado de discapacidade (só para os irmáns/as do solicitante e o propio solicitante). OBRIGATORIO PARA PERSOAS CON DISCAPACIDADE

  • Certificado médico expedido polos servicios de saúde sostidos con fondos públicos (OBRIGATORIO PARA SOLICITANTES CON TEA)

  • Título de Familia Numerosa (OBRIGATORIO, SE E O CASO)

  • Acreditación de pertenza a familia monoparental (SE É CASO)

  • Acreditación orfandade absoluta do solictante (SE É CASO)

  • Acreditacións de irmáns universatios do estudante que residan fóra do domicilio familiar (SE É CASO)

  • Documentación acreditativa dos ingresos no estranxeiro.

  • Certificado da declaración da renda e certificado do catastro indicanco bens inmobles propiedades da unidade familiar (Só se non presentou a declaración da renda no exercicio anterior e obtivo ingreso en territorio fiscal distintoss ao seu domicilio habitual (Navara, País Vasco).

 

OBRIGATORIO EN TODOS OS CASOS:

 

  • CERTIFICADO DE PADRON COLECTIVO DOS MEMBROS DA UNIDADE FAMILIAR.

  • CERTIFICADO DE TITULARIDADE OU COTITULARIDADE ONDE FIGURE O SOLICITANTE DA BOLSA.

 

Novo equipo de mediación

Ven, 03/06/2022 - 22:37 — esirelma

Hoxe entregamos os diplomas ao novo equipo de mediación do IES Ferrol Vello, acreditativos da formación que recibiu para resolver cuestións de convivencia no centro. Agradecemos o seu compromiso e desexámoslles o mellor nesta nova responsabilidade.

 

 

 

Distribuir contido


by Dr. Radut