blogue deesirelma

Primeiro día de aulas

Ven, 08/09/2023 - 09:33 — esirelma

O primeiro día de aulas, 11 de setembro, o horario será o normal do centro (9:00-14:30). A primeira sesión terase co profesorado titor, que explicará as normas do centro e entregará os horarios e outra documentación de interese.

Libros de texto 2023-2024

Mér, 28/06/2023 - 09:16 — esirelma

Publicamos en adxunto a lista de libros de texto para o curso 2023-2024.

1 adxunto

Documentación matrícula 2023-2024

Ven, 23/06/2023 - 11:49 — esirelma

Compartimos os impresos para a matrícula do curso 2023-2024. A documentación necesaria está dividida por cursos nos arquivos correspondentes. Todo o alumnado que veña polas notas recibirá unha copia da documentación.

6 adxuntos

Calendario final de curso

Lun, 12/06/2023 - 10:21 — esirelma

16 de xuño. Acto de graduación de 4º de ESO (18:30)

21 de xuño. Final das aulas.

23 de xuño. Devolución de libros de texto e ordenadores E-Dixgal.

Entrega de boletíns e publicación de notas en XADE (12:00).

23, 26 e 27 de xuño. Reclamacións de cualificacións (até as 12:00 do día 27).

28 de xuño a 7 de xullo. Matrícula.

28-29 de xuño (1º ESO)

30 de xuño-3 de xullo (2º ESO)

4-5 de xullo (3º ESO)

6-7 de xullo (4º ESO)

As datas indicadas son de atención preferente para as matriculacións nos cursos indicados. Poderase presentar a documentación de matrícula en calquera dos días, pero serán atendidos antes os cursos sinalados.

Bolsas NEAE

Lun, 22/05/2023 - 13:34 — esirelma

Aberto até o 20 de setembro o prazo para solicitude de bolsas para alumnado NEAE. Para consultar as condicións e realizar as solicitudes, débese acceder aquí. Lembramos que hai apartados desas axudas que deben ser cubertas polos profesionais do centro.

Axudas material 2023-2024

Lun, 22/05/2023 - 13:29 — esirelma

Entre o 20 de maio eo 21 de xuño, ábrese o prazo para a solicitude das axudas para material do curso 2023-2024. Esta solicitude pódese realizar a través da aplicación fondolibros, entregando a documentación a través da sede electrónica da Xunta ou cubríndoa na aplicación, imprimíndoa e entregándoa presencialmente no centro. Tamén se pode imprimir os anexos I e II da orde (adxunta nesta entrada) e entregalas no centro en horario de secretaría (9:00 a 14:00).

1 adxunto

Admisión alumnado

Ven, 21/04/2023 - 13:22 — esirelma

A partir do 25 de abril, estarán expostas en conserxaría a listaxe de admitidos/as para o curso 2023-2024. En principio, todo o alumndo solicitante está admitido, ao non superaren as solicitudes o número de prazas existentes.

Bolsas FP e Bacharelato

Xov, 13/04/2023 - 00:14 — esirelma

1 adxunto

Previsión de prazas para o curso 2023-2024

Lun, 27/02/2023 - 11:04 — esirelma

Está xa publicado, na xanela de conserxaría, o alumnado admitido na reserva de praza para o curso 2023-2024. O alumnado que proceda de centros non adscritos deberá solicitar praza no período que vai do 1 ao 20 de marzo. As solicitudes realizaranse a través da aplicación admisionalumnado da consellería ou directamente no centro co formulario correspondente, no caso de que este sexa o que solicitan en primeiro lugar.

A previsión de vacantes para o próximo curso é o seguinte:

1º ESO 26

2º ESO 26

3º ESO 13

4º ESO 3

Mandados do Meco

Lun, 13/02/2023 - 15:13 — esirelma

Estas son os mandados do Meco para esta semana de Entroido.

Procedemento para reserva de praza no curso 2023-2024

Ven, 20/01/2023 - 01:36 — esirelma

O proceso de reserva de praza para o alumnado procedente dos centros adscritos realizarase entre o 16 de xaneiro e o 6 de febreiro.

A solicitude poderá formalizarse a través da aplicación admisionalumnado da Consellería de Educación e entregarse por sede electrónica ou impresa no propio centro. Tamén poderá ser cuberta manualmente e entregada na secretaría do centro adscrito.

O proceso de solicitude de praza para o alumnado de centros non adscritos comezará, previsiblemente, en marzo.

1 adxunto

Vídeo de presentación do centro

Mar, 17/01/2023 - 13:40 — esirelma

Compartimos o vídeo de presentación do centro creado polo alumnado de 1º de ESO de Proxecto Competencial.

Xornadas de portas abertas no IES Ferrol Vello

Dom, 15/01/2023 - 22:58 — esirelma

Os días 17 e 24 de xaneiro (ás 16:30) terán lugar xornadas de portas abertas para que as familias interesadas en matricular aos seus fillos/as poidan coñecer as instalacións do centro, a súa organización académica, as medidas de atención á diversidade que aplicamos e os programas e proxectos educativos en que estamos a traballar.

Recomendacións de lectura Nadal 2022

Ven, 23/12/2022 - 12:45 — esirelma

Compartimos as propostas de lectura do equipo de biblioteca. Felices festas!

Actividades 25 de novembro

Mar, 20/12/2022 - 15:07 — esirelma

Este ano as actividades polo Día Internacional para a Eliminación da Violencia contra a Muller incluíron a lectura dun manifesto e un minuto de silencio en memoria das vítimas desa violencia. Durante as semanas anteriores realizáronse actividades de concienciación nas titorías como as red/green flags para valorar comportamentos e actitudes.

Magosto 2022

Mér, 09/11/2022 - 12:55 — esirelma

Traballos sobre a célula

Mér, 09/11/2022 - 12:41 — esirelma

Compartimos os traballos sobre a célula realizados polo alumnado de Bioloxía e Xeoloxía.

Préstamo dixital na plataforma E-LBE2

Mar, 25/10/2022 - 11:00 — esirelma

Anexamos as instrucións para acceder á plataforma E-LBE2.

1 adxunto

Calendario eleccións Consello Escolar

Mar, 25/10/2022 - 10:38 — esirelma

Subimos o calendario das eleccións ao Consello Escolar deste ano. Os únicos sectores que escollen representantes son o de profesorado e alumnado.

1 adxunto

As coordenadas do IES Ferrol Vello

Xov, 20/10/2022 - 23:07 — esirelma

O profesor Jorge Gutiérrez e a alumna de 4º Eva Lorenzo crearon cunha impresora 3D as coordenadas do noso centro.

CONSELLERÍA DE CULTURA EDUCACIÓN E ORDENACIÓN UNIVERSITARIA

INSTITUTO DE EDUCACIÓN SECUNDARIA FERROL VELLO / Rúa Alonso López, s/n - Tlf 881930291 - 15401 Ferrol

Programación didácticas 23-24

Programacións

Calendarios de exames e entregas

Con toda educación

Tanto si o seu fillo é bo estudante coma se non, ofrecémoslle un Centro de reducidas dimensións para que poida desenvolver todo o seu potencial nun ambiente de respecto e amizade dentro e fóra do aula.

- Atender ao seu fillo en todo momento, non é un problema con nosa Titoría Personalizada.

- O noso recinto pechado contribúe á seguridade e protección dos seus fillos.

- Non queremos que os nosos alumnos acumulen suspensos polo que creamos os Grupos de Reforzo para dar unha segunda oportunidade.

- Facemos adaptación de Contidos en todas as materias, para facilitar tómaa de decisións na idade máis importante da vida e evitar abandonos.

- Queremos que os nosos alumnos en catro anos falen inglés (coa preparación para o Ket, Pet e First Certificate Cambridge University).

- Visitando nosa web http://www.edu.xunta.gal/centros/iesferrolvello/ coñecerá a fondo nosa ampla oferta de actividades ao longo do curso 2021-22.

- Desexamos afianzar os vínculos entre a familia e o Centro polo que unha chamada ao 881 930 291 bastará para concertar unha visita.

Horario lectivo:
de 9:00 a 14:30 e martes tamén de 16:20 a 18:00 hs

Coñézanos mellor:
Rúa Alonso López, s/n - Tlf 881 930 291 - 15401 Ferrol

Horario do Centro

CONSERXERÍA 881930291

DIRECCIÓN 881930293

SECRETARÍA 881930292

XEFATURA DE ESTUDOS 881930294

DPTO. ORIENTACIÓN 881930290

ADMINISTRACIÓN 881930295

BIBLIOTECA 881930298

Fondo Social Europeo 2014-2020

Programas de mellora da aprendizaxe e do rendemento

Normas de Organización e Funcionamento

NOF

Plan Dixital de Centro

EVA Abalar é un ámbito virtual de traballo accesible para profesorado, alumnado e famílias para ou acceso, edición e organización dos recursos educativos dixitais.

Abalar / Contidos orientados para alumnos e as familias

Axuda "Fondo Libros

Ata o 22 de xuño pódense solicitar axudas de material escolar para o curso que vén. As solicitudes presentaranse por via electrónica no formulario dispoñible na aplicación "fondolibros" da páxina edu.xunta ou presencialmente no centro.

Para presentación presencial: utilice os Anexos I e II da Orde de convocatoria

Programa de acollida no Centro

Ligazón ao documento completo

Resumo de normas para familias

ENTRADAS E SAÍDAS

Este ano o horario de inicio e final do período lectivo será o mesmo que no anterior (9:00 a 14:30, 16:20 a 18:00 o martes á tarde). Aínda que non será obrigatorio realizar unha acceso/saída diferenciados, recoméndase que o alumnado acceda pola porta principal, se teñen a súa aula na planta baixa, e pola escaleira lateral, se esta está na primeira planta. A distribución das aulas é a seguinte:

Planta baixa: 1º A, 1º B, 2º A, 2º B, 3º PDC e Tecnoloxía.

Primeira planta: 3º A, 3º B, 4º A, 4º B, Aula de Relixión, Aula de Plástica, Aula de Música, Informática e Biblioteca.

PUNTUALIDADE

O alumnado debe ser cumprir co horario establecido. No caso de chegar tarde de forma inxustificada terá unha falta de puntualidade. Se o retraso é considerábel, o alumno/a permanecerá na Aula de Convivencia baixo a vixilancia do profesorado de garda. As faltas de puntualidade reiteradas poden conlevar a aplicación de medidas disciplinarias.

DESENVOLVEMENTO DA XORNADA LECTIVA

Ás horas indicadas, o alumnado e o profesorado estarán nas súas repectivas aulas. O alumnado debe permanecer dentro da súa aula durante a xornada lectiva e non poderá permanecer noutras zonas do centro durante a mesma.

O alumnado non poderá utilizar os baños durante as clases, salvo casos excepcionais.

Durante o recreo, o alumnado sairá das aulas deixándoas pechadas e non poderá permanecer no primeiro andar, a non ser que estea na biblioteca. Tampouco poderá estar no aparcadoiro, nas escaleiras laterais nin na zona que hai detrás da cafetaría. Ademais, tampouco poderán estar obstruíndo escaleiras e accesos a outros espazos do centro.

FOTOCOPIAS

O servizo de reprografía estará aberto durante a xornada escolar, mais o alumnado deber facer os seus encargos e recollidas durante os recreos.

XUSTIFICACIÓN DE AUSENCIAS E FALTAS DE PUNTUALIDADE

Xustificaranse as faltas (acreditadas documentalmente) por: enfermidade, consulta médica, enfermidade grave ou falecemento dun familiar, asistencia a competición deportivas (alumnado federado) e exhibicións artísticas, así como en deberes inescusábeis de tipo persoal ou público.

As xustificación deberán ser remitidas ao titor/a (preferentemente, deixándoas en conserxaría ou entregándoas en persoa).

MATERIAL

Os recurso materiais son fundamentos no proceso de aprendizaxe. Por tanto o alumnado deberá conta co material necesario para as aulas e empregar de forma responsábel o material propio e o do centro; así como seguir as indicacións dadas polo docente para o seu uso, sobre todo nos Laboratorio e na aula de Tecnoloxía, para evitar riscos.

AUTOBÚS

Nas viaxes en autobús, tanto en actividades complementarias como no traslado ao pavillón da Malata, mantense o uso de máscara hixiénica.

COMUNICACIÓNS CO INSTITUTO

Medios de comunicación co instituto, titores, profesorado etc.:

Teléfono: 881 930 291
Correo electrónico: ies.ferrol.vello@edu.xunta.es
Abalar móbil: Que é a aplicación para móbiles que facilita a Xunta. Contactar co centro no caso de ter problemas para instalala.
Páxina: http://www.edu.xunta.gal/centros/iesferrolvello/

abalarMóbil é unha aplicación que se pode instalar tanto no teléfono móbil como nunha tablet, e que permite ás familias consultar a información de calquera dos seus fillos a través destes dispositivos.

Programa TEI / Titoría entre Iguais

Programa TEI

Acto de entrrega de Carnet aos alumnos de 3º e 4º Curso de ESO. Estivo presidido polo exprofesor do Centro D Xaime Bello que fixo entrega a tódolos presentes da citada distinción

Solicitude de permisos e licenzas para o profesorado

Descarga o - ANEXO V - para a solicitude e/ou xustificación de ausencias do profesorado (permisos e licencias) que se presentan ante a dirección do centro.

Ademais, de seguido, poderás descargar os seguintes Anexos para as diferentes solicitudes de permisos:

- Anexo 1: Solicitude para a asistencia a actividades de formación organizadas pola Consellería de Educación e O.U.

- Anexo 2: Solicitude para a sistencia a actividades de formación organizadas polas universidades, sindicatos e outras organizacións.

- Anexo 3: Autorización para a asistencia actividades de formación organizadas pola Consellería de Educación e O.U.

- Anexo 4: Solicitude de permisos e licencias para presentar ante o Xefe territorial.

- Anexo 5: Solicitude de permisos e licencias para presentar ante a dirección do centro.

Os permisos e licencias do profesorado regúlanse pola orde do 5 de abril de 2008 (correxida na orde do 7 de abril de 2008). Ámbolos dous documentos pódelos descargar en formato pdf, no apartado lexislación desta web, ou directamente desde aquí.