E seguindo o ronsel do alumnado máis coñecido fóra das nosas aulas, gustaríanos convidar a toda a comunidade educativa do IES Alexandre Bóveda á presentación do novo traballo do dúo vigués Fillas de Cassandra o próximo venres 16 de febreiro no auditorio Mar de Vigo.

O segundo traballo, Últimas Dionisíacas, mestura a música tradicional, o pop e o techno nun efecto catártico, ademais de agochar algunhas sopresas máis.

Cómpre lembrar que Sara Faro Lubiáns e María Pérez Fernández, máis coñecida como María Soa, foron alumnas do centro (promoción do curso 2018/2019 e 2013/2014, respectivamente).