O Club de Lectura do centro comezou o novo ano con moita actividade, propoñendo durante a Hora de Ler a lectura de Persépole de Marjane Satrapi o martes 9 de xaneiro para o alumnado de 3º ESO a 1º Bacharelato do Club. Desta volta, a lectura compartida correu a cargo da profesora Maruxa Gesto, quen axudou a comprender mellor o difícil mundo do Irán da infancia da autora.

Tan só unha semana máis tarde, foi a vez dos máis pequenos e pequenas do Club. O martes 16 de xaneiro,a profesora coordinadora Marisol Mariño gozou cos lectores de 1º ESO e 2º ESO dunha conversa moi entretida sobre Astérix. O lirio branco, o derradeiro da serie. Con esta lectura volvemos aos divertidos personaxes dos que xa coñeciamos outras aventuras.

Moito nos tarda xa a seguinte sesión do Club de Lectura!