O Departamento de Economía organizou unha saída en colaboración coa  Autoridade Portuaria de Vigo e o Consorcio da Zona Franca de Vigo ás diversas áreas do Porto de Vigo (porto pesqueiro, porto comercial e porto loxístico) e a varias instalacións da Zona Franca para coñecer máis polo miúdo parte das infraestruturas económicas e tecnolóxicas da cidade.

O alumnado de economía de 2º bacharelato tivo a sorte de afondar nalgunhas das principais arterias económicas da cidade. Toda unha descuberta!