O alumnado de 4ºESO realizou a viaxe de fin de etapa a Madrid dende o martes 2 ao venres 5 de abril.

Pasárono fenomenal visitando Segovia e algúns dos puntos máis emblemáticos do centro da capital, o Parque do Retiro, o Museo Centro Nacional de Arte Reina Sofía ou o teatro Albéniz onde puideron ver o musical inspirado na novela gótica A pantasma da ópera de Gaston Leroux.

Xa na segunda metade da viaxe chegou un dos momentos máis esperados cando visitaron o Parque Warner e o Parque de Europa.

Tanto o profesorado coma os monitores acompañantes quedaron encantados coa actitude do alumnado participante, así que desexamos que a lembranza desta viaxe perdure nas súas memorias por moitos anos.

[Se non pode ver o vídeo, prema aquí]