Atópanse publicadas na aplicación fondolibros e no taboleiro de anuncios situado no interior do centro (en fronte de conserxería) as listaxes definitivas do fondo de libros para o  alumnado de primaria e de ESO do ano académico 2024/2025.

IMPORTANTE: Tal e como figura na listaxe de libros de texto para o curso 2024/2025, a todo o alumnado de 1º da ESO prestaráselle o libro de Tecnoloxía e Dixitalización e a todo o alumnado de 3º da ESO prestaráselle o libro de Física e Química.

Polo tanto, ningún alumno de 1º e de 3º da ESO ten que mercar ningún dos libros indicados anteriormente.

No ficheiro adxunto pódense consultar as datas nas que se publicarán as listaxes do fondo de libros e nas que se entregarán os vales coas axudas de material e de libros para o curso 2024/2025.

Nos ficheiros adxuntos atópanse os impresos de matrícula de 1º, 2º, 3º e 4º de ESO para o curso 2024/2025. O prazo de matrícula abrangue do 24.06.2024 ao 08.07.2024 (ambos incluídos). O alumnado que xa está matrículado no centro neste curso 2023/2024 só debe presentar:

- 1º ESO: O impreso de matrícula cuberto e asinado.

- 2º ESO: O impreso de matrícula cuberto e asinado.

- 3º ESO: O impreso de matrícula cuberto e asinado, a fotocopia do DNI do alumno/a e o xustificante de pago do seguro escolar (ver o último recadro do impreso de matrícula para o pago do seguro).

- 4º ESO: O impreso de matrícula cuberto e asinado e o xustificante de pago do seguro escolar (ver o último recadro do impreso de matrícula para o pago do seguro).

Pódese consultar a listaxe do alumnado admitido e non admitido neste centro para o curso 2024/2025 na aplicación admisionalumnado, identificándose previamente co certificado dixital ou a Chave365. Ademais, esta listaxe está dispoñible no taboleiro de anuncios situado no interior do centro (en fronte da conserxería).

O prazo de presentación de solicitudes para a admisión do alumnado no curso 2024/2025 será do 01.03.2024 ata o 20.03.2024 (ambos incluídos). Só terá que presentar a solicitude de admisión o novo alumnado que pretenda iniciar estudos en calquera nivel e curso que se imparte no centro, é dicir, que o alumnado matriculado no centro neste curso 2023/2024 non terá que presentar a solicitude de admisión.

Estas solicitudes de admisión poderanse presentar a través da aplicación admisionalumnado (https://www.edu.xunta.es/admisionalumnado/) ou de forma presencial na secretaría do centro docente. O anexo II-bis da solicitude deberá estar asinado por todos os membros da unidade familiar, excepto a persoa solicitante, e incluír o consentimento expreso do outro proxenitor. Se se presenta a solicitude a través da aplicación admisionalumnado, o anexo II-bis deberase engadir á solicitude escaneado.

Nos ficheiros adxuntos achégase o modelo de solicitude de admisión e unha nota informativa sobre este procedemento.

Para calquera dúbida sobre este procedemento ou para máis información poden consultar na secretaría do centro chamando ao 881880283.