Prezadas familias:
Por acordo tomado na Comisión de Coordinación Pedagóxica do 26 de febreiro de 2024, no sucesivo, deixaremos de enviar os boletíns de notas do alumnado en papel e únicamente estarán dispoñibles para as familias a través da aplicación abalarmóbil.
Se algunha familia ten dificultades para obtelas do xeito indicado, que se poña en contacto coa secretaría do centro.
As notas da segunda avaliación publicaranse o venres 22 de marzo ás 14:00h.
Os días 10 e 11 de abril desenvolverase nos centros educativos de Galicia a avaliación de diagnóstico. Nos seguintes enlaces pódese atopar toda a información.
A Consellería de Educación ofrece un exame para acreditar a competencia dixital do alumnado de 4ºESO. O alumnado que obteña o título de graduada ou graduado en educación secundaria obrigatoria no curso 23-24 recibirá o certificado que acredite o nivel de iniciación. O alumnado matriculado en 4º de educación secundaria obrigatoria poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio. Esta acreditación do alumnado terá unha validez de cinco anos a partir da data da proposta de título da alumna ou o alumno ou da realización da proba específica.
O prazo de matrícula remata o venres 15 de marzo.
Para máis información podedes premer nesta ligazón.
A semana pasada o alumnado de 3º e 4º de ESO disfrutou dunha sesión de cine en Santiago de Compostela.
A saída, organizada polo departamento de Xeografía e Historia do centro, consistiu no visionado da película sobre a vida de Napoleón Bonaparte nun pase privado nas salas de CINESA As Cancelas.
O pasado martes 5 de marzo o alumnado de 3º e 4º ESO participou nun torneo intercentros de bádminton enmarcado dentro do programa XOGADE que tivo lugar no CPI Viaño Pequeno de Trazo
No torneo participaron o noso centro, o CPI Viaño pequeno, o CPI Camiño de Santiago de Arca e o Fonte Díaz de Touro
Os rapaces e rapazas pasaron unha xornada de convivencia e competición na que as alumnas de 4º de ESO Cayetana Rey e Ainoa Rouco conseguiron un meritorio 3º posto na súa categoría.
Aquí tedes un enlace a unha presentación que fixo a profesora acompañante Loaira Sánchez con fotos da xornada
https://www.canva.com/design/DAF-0__d7SQ/lWa-wd0hb98tRGLVuvFlzA/edit?utm_content=DAF-0__d7SQ&utm_campaign=designshare&utm_medium=link2&utm_source=sharebutton
Gran xornada de baloncesto no CPI Viaño Pequeno.
Centros participantes CPI Orza Couto Boqueixon, CPI Fonte Díaz TOURO y el CPI Viaño Pequeno de Trazo.
Puestos:
Boqueixón: 1º y 3º en 1 de ESO
Boqueixón: 1º en 2º ESO
Noraboa rapaces
En relación co proceso de Reserva de praza para o curso 2024/2025 neste centro desde os centros adscritos (Unitarias de Sergude e Camporrapado do CRA Boqueixón-Vedra), comunicamos que foron presentadas máis solicitudes que prazas existentes polo que todo o alumnado debe realizar o procedemento de admisión.
Os alumnos do noso centro Denis Couto Rodríguez (4º Infantil) e Thiago Carril Miranda (4º Educación Primaria ) veñen de gañar o 1º e o 3º premio respectivamente en cadansúa categoría no 24º Concurso de pintura infantil da Camelia que organiza o Concello de Vedra.
Thiago presentou o seu debuxo a través das Aulas de pintura do Concello de Vedra.
E Denis a través da mestra de plástica do noso centro.
Aquí tedes a obra destes grandes artistas
DENIS COUTO RODRÍGUEZ (CATEGORÍA B 3 ANOS)
Parabéns rapaces
A vindeiras semana celebraremos o entroido no noso cole. Deixámosvos aquí os mandadiños, nos que se indica cada día o que debe traer o alumnado o colexio, cada un dos días.
O venres 9, é día de disfraz libre. E nesa data teremos a celebración do entroido, onde haberá festa de disfraces, con desfiles, e actuacións entre as 12:00 e as 14:30.
Teremos tamén degustación de chocolate con churros.
O prometido é débeda. Aquí vos deixo a presentación da reunión con todos os vínculos para que poidades ter a información precisa para axudar aos vosos fillos e fillas a encamiñar o seu futuro académico.
Para calquera dúbida estou a vosa disposición no Departamento de Orientación, previa cita.
Antonio Ovidio Carreira
Xefe do Departamento de Orientación
O xoves 18 de xaneiro, 11 alumos e alumnas da materia de Esprexión Plástica de 4ºESO, realizaron unha saída cultural a Madrid para visitar a Exposición "Grandes Maestros da pintura. Goya, Velazquez e O Greco" no Museo do Prado.
Aproveitaron a viaxe para facer turismo pola Capital do Estado. Rodearon o Congreso dos Diputados, percorreron a Gran Vía nun día no que o tempo metereolóxico os acompañou cun sol radiante.
Unha magoa non ter alongado máis a estancia. Repetiremos seguro!
Organiza: Departamento de Artes Plásticas
Xunta de Galicia - Consellería de Educación, 2013 | ||
