CPI Antonio Orza Couto

O equipo de Actividades Extraescolares e Complementarias vén de determinar a relación de gañadores e gañadoras do concurso de vasoiras do SAMAGOSTO.

A decisión non foi nada doada porque, alomenos en  primaria, a participación foi moi elevada.

Procedemos a comunicar a relación de premiados e premiadas:

PARABÉNS !!

O pasado venres, o centro celebrou o Día Internacional da Eliminación da Violencia contra a Muller participando na X ANDAINA CONTRA A VIOLENCIA DE XÉNERO "CAMIÑO AO RESPECTO"

Desde a nosa biblioteca, inspirándose no lema das bibliotecas "Escribir a biblioteca" propuxemos ao alumnado a creación de frases e lemas para celebrar este día. 

O resultado, as frases e lemas creados,  foron escritos nas pancartas e postais que o alumnado de plástica se encargou de decorar para levar na andaina.  

No acto da celebración, ademais de repartir as postais contra a violencia cara as mulleres,  puidemos escoitar a tres alumnas do grupo de oratoria que aproveitaron para crear e ler un discurso alusivo ao tema.

Todos de pixama no cole!

O último venres vimos como os alumnos e alumnas do Centro  lucían os seus pixamas, participando na iniciativa promovida pola Asociación galega de familias de acollida, ACOUGO para celebrar Día dos Dereitos da Infancia e Adolescencia. 

Para esta celebración,  a Biblioteca organizou unha exposición co material elaborado no desenvolvemento da proposta multidisciplinar  “Escribir o pixama” a cal contou coa implicación dos departamentos de Plástica, Lingua e Literatura Galega, Castelá,  Inglés e Francés.

O resultado do proxecto pode ser visto na exposición do Día do Pixama, en primaria e secundaria. Son paneis onde están representados nenas e nenos cos seus pixamas decorados, flotando por encima dos contos infantís escritos polo alumando nos distintos idiomas impartidos no centro. 

Premede aquí para ver o ben que o pasamos

O pasado martes 15 de novembro o alumnado de 3º de ESO realizou unha saída didáctica a Santiago para asistir á exposición IMAXINARIA, mostra internacional de ilustración contemporánea na sede da Fundación.

Aquí tedes unha mostra gráfica da exposición.

https://drive.google.com/drive/folders/1e4z-YdqVnUuG9XXaiWhsM2d_1Zw5uCc_?usp=share_link

Aproveitando a viaxe, desfrutaron dunha hora de salto no Novajump.

https://drive.google.com/drive/folders/1v_T2e0nmwq3-C5aONk0DfePFj7sVxYrw?usp=share_link

Chanzo a chanzo imos recuperando a tan ansiada normalidade.

O día 3 de novembro celebramos no CPI o Día do escritor Neira Vilas, que dá nome á nosa Biblioteca.

Para celebrar esta data tan importante destacamos e divulgamos  talento galego na literatura contemporánea.  

O Departamento de Galego brindounos con un magnífico traballo realizado polo alumnado do 1º e 2º da ESO para celebrar o Día das Escritoras e o  Día das Bibliotecas. Trátase de unha selección de portadas de libros das escritoras galegas coas sinopses. O libro-catálogo está en exposición na entrada da nosa biblioteca, onde pode ser manipulado.  Agora será máis fácil escoller un exemplar! 

Agardamos que gocedes moito co novo catálogo e xa sabedes, vémonos na biblio!

O pasado venres o alumnado de francés de 3º e 4º de ESO desfrutou dunha saída ao Instituto Rosalía de Castro para ver un filme en Francés.

Aproveitando a viaxe, o Departamento de Educación Física organizou unha xornada de salto nas instalacións do NOVAJUMP.

Velaiquí tedes unha mostra do ben que o pasaron

O Camiño de Santiago, a igualdade e as novas masculinidades, son temas principais desta obra de treatro da compañía REDRUM TEATRO da que poderá desfrutar o noso alumnado de Secundaria.

Durante este mes de outubro traballouse nas horas de titoría unha unidade didáctica con referencia aos temas da produción teatral.

Aquí tedes unha mostra grápica da obra

https://drive.google.com/drive/folders/1NrikXaMh0p-MoIsE4-a6fQPA0MWD5Mdw?usp=sharing

^{INFORMACIÓN ACTUALIZADA PARA O CAMPAMENTO}

Chegou ao centro a información actualizada sobre a quenda 6 na que vai ir o noso alumnado ao campamento de dixitalweek. Podedes vela na seguinte ligazón:

Información para as familias

O noso centro solicitou a Dixitallweek convocada na resolución do 29 de xuño de 2022, da Dirección Xeral de Ordenación e Innovación Educativa.  Esta é unha actividade gratuita que consiste nun programa de inmersión lingüística en lingua inglesa a través de actividades dixitais e está dirixida ao alumnado de sexto curso de educación primaria e de educación secundaria obrigatoria. A nós foinos concedida para o alumnado de 2º de ESO na semana do 6 ao 12 de novembro. As familias serán convocadas para unha reunión informativa. Abaixo presentamos a información máis relevante neste momento. 

- Convocatoria

- Información xeral sobre a actividade

- Ficha do alumnado

- Instrucións para a entrada e saída

Os alumnos e alumnas do 1º da ESO fixeron unha visita á biblioteca onde recibiron os seus carnés e unha charla dada polas profesoras Lidia e Bea sobre como encontrar os libros e información sobre o material que temos dispoñible.

A Consellería de Cultura, Educación, Formación Profesional e Universidades vén de publicar a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 25 de abril de 2022.

Todas aquelas familias beneficiarias do vale de 50€ de material escolar poderán pasar polo centro a partir do luns 17 de outubro a recoller un vale adicional de 25€.

O pasado luns, 26 de setembro organizouse un acto para premiar o traballo desinteresado do grupo de voluntarios e voluntarias da Biblioteca do noso prezado colexio.

Nun ambiente acolledor e festivo, o director do CPI Antonio Orza Couto, Ángel Manuel Maciñeiras, e a coordinadora do equipo da biblioteca, Renata Balsamo, entregaron ao alumnado un diploma e un agasallo como xesto de agradecemento ao seu labor desinteresado no último curso.

As palabras do noso director, ademais de felicitar os homenaxeados e homenaxeadas, recoñecían a súa valiosa colaboración, alentando aos demais alumnos  e alumnas a unirse ao equipo de voluntarios. 

O alumnado do grupo de Oratoria súmase a esta felicitación deixando aquí o seu testemuño escrito e fotográfico.

Estimadas familias:

Coa colaboración de Mariola Solidaria comunicámoslle a realización da Campaña Solidaria de recollida de roupa a beneficio da ONG Global Humanitaria.

A recollida terá lugar o 5 de outubro polo que ao longo destas semanas, e ata o 4 de outubro, poderedes traer a bolsa que van levar os cativos e cativas a casa chea de roupa e calzado en bo estado que xa non usedes.

Contamos coa vosa colaboración

Estimadas familias:

Cun pouco de retraso e moito traballo, por fin podemos anunciarvos que a ANPA " O Forte" do CPIP Antonio Orza Couto, dispón dunha páxina web:

www.anpaoforte.com

que nos vai servir para informarvos e organizar as actividades extrescolares de cada curso escolar e como medio de difusión de toda aquela información que nos chegue e que poida ser do voso interese.

Invitámosvos a que entredes, vexades o contido e nos axudedes a difundila.

En relación ás actividades extraescolares deste Curso escolar 2022/23 son as que seguen (podedes ampliar a info en www.anpaoforte.com)

-Prazo de inscrición: do 22 ao 30 de setembro

-Publicación das actividades extraescolares nas que se formou grupo: 2 de outubro.

-Comezo das actividades: 3 de outubro.

(Informarémosvos se hai algunha actividade que non poida comezar o 3 de outubro polas obras que se están a facer no Ximnasio municipal)

Importante: A partir de agora, esta Xunta directiva usará indistintamente a nosa páxina web, a do colexio, o Facebook ou o correo electrónico para mandarvos información, polo que estade atentos/as.