O espazo adicado á nosa biblioteca é duns 60 metros cadrados. A súa parte traseira prolóngase nunha terraza empregada como xardín-lector, cando o clima acompaña. 

Segundo a idade dos lectores podemos clasificar os andeis en:

a) Zona dos máis pequenos acondicionada con sofás e sillóns e nela loce a mascota da nosa biblioteca ( o Faíldiño), por riba do armario das "Mochilas Viaxeiras". E as ventás están decoradas con elementos de contos infantís (ou de Samaín e outras festas).

b) Zona de ordenadores, con canón e pantalla.

c) Zona dos expositores,dentro e fóra da estancia, que nos serven para mostrar novidades, efemérides, noticias...

d) O resto da estancia alberga os fondos correspondentes ás xeneralidades e ás distintas disciplinas do saber ( Filosofía, Historia, Literatura...). Neste apartado convén diferenciar entre as lecturas de Primaria e Secundaria nas distintas linguas: galego, castelán, francés e inglés.

 

En canto á decoración, visualmente, as paredes están pintadas coas cores da CDU. Sobre os andeis destacan os personaxes de " a Esmorga", feitos en cartón-pedra a modo de monicreques que foron, no seu día, protagonistas de dramatizacións escolares. Así mesmo ao seu carón sitúase un lenzo de autoría da profesora de Plástica coa imaxe do escritor Eduardo Blanco Amor.

Da mesma profesora destaca no seguinte andel outro cadro no que se representa unha aula antiga.

Nos demáis andeis,  aprécianse manualidades elaboradas polo alumnado e profesorado do centro.

Detrás da porta está o apartado de noticias relativas á Literatura ou á Lingua que coidamos debe coñecer o noso alumnado.

As poucas paredes que quedan albergan información de como atopar un libro ou información xeral sobre o uso da biblioteca.

 

SI PREMES NO SEGUINTE ENLACE PODERÁS VER FOTOS DA BIBLIOTECA

Biblioteca