INVESTIGACIÓN E DESENVOLVEMENTO DIXITAL
AULAS TECNOLÓXICAS:
- O centro dispón dunha Aula Tecnolóxica especializada en Enerxía e Auga, onde poder obter o máximo beneficio da actividade do profesorado e na formación do alumnado, centralizando neste espazo, e á vez compartindo, experiencias e investigación na especialidade.
- A segunda Aula Tecnolóxica especializada do CIFP VPA é a Aula de tecnoloxía aplicada de ELECTROMOBILIDADE. Un espazo innovador no que ferramentas dixitais, equipos audiovisuais e entornas virtuais de simulación esperten o interese do alumnado e faciliten o proceso ensino-aprendizaxe. Un taller preparado para que a realización de proxectos educativos e no que a experimentación por parte dos propios alumnos forme parte dun proceso de aprendizaxe máis activo e significativo.
DIXITALIZACIÓN E INNOVACIÓN METODOLÓXICA
O Centro actualízase en recursos necesarios para formar ao alumnado e ofrecer competitividade ás empresas nunhas contornas cada vez máis dixitalizadas. Así mesmo o profesorado utilizada progresivamente metodoloxías innovadoras e recursos didácticos dixitais que melloran o rendemento do ensino-aprendizaxe e favorecen a adaptación do alumnado ás necesidades actuais.
Polo tanto dispoñemos de recursos materiais como simuladores e adestradores virtuais de última xeración, monitores interactivos, gafas 3D, Equipos de impresoras 3D, maquetas interactivas, etc.
O CIFP Valentín Paz Andrade forma parte da Rede Galega de Educación Dixital.
O Plan Dixital do CIFP marca e supervisa a actividade cara á mellora da competencia dixital do profesorado e do alumnado.
Documento (23-24)
No seu Plan de acción dixital, entre outros obxectivos, o centro proxecta situarse como Polo Creativo, para fomentar competencias dixitais e científico-tecnolóxicas, e tamén artísticas do conxunto da cidadanía, enfocando a unha aprendizaxe conxunta, colaborativa e comunitaria.
