Os equipos de Biblioteca, Normalización Lingüística e Club de Lectura desenvolveron unha xornada "terrorífica" o mércores pasado. As lecturas, as artes plásticas, a imaxinación así como outros aspectos culturais foron os protagonistas.
Achegádevos á biblioteca. O Tentalibros xa está no Camiño. Seguro que vos axudará a atopar algunha historia que vos apaixone. Vide a ler O Camiño (pasiño a pasiño)
Neste novo curso, o noso tentalibros xa comezou a traballar e ten moitas sorpresas preparadas, espazos de lectura novos e un marabilloso proxecto que nos levará ata Santiago de Compostela. Esperamos a vosa colaboración con ideas, traballos, lecturas e, sobre todo, con moito entusiasmo.
No seguinte enlace deixámosvos algunhas fotografías das actividades desenvolvidas no colexio co motivo do Samaín e dinamizadas desde o departamento de Normalización Lingüística e o Equipo de Biblioteca para fomentar a ledicia de ler.
Un ano máis queremos que a nosa biblioteca sexa un motor dinamizador das actividades culturais, formativas e sociais da comunidade escolar do CEP Sabarís.