A piques de rematar a etapa da Educación Primaria, toca amosar as competencias acadadas. O alumnado de 6º visitará as instalacións do Campus Universitario de Vigo o día 26 de maio compartindo unha xornada cultural, formativa, deportiva e socializadora co CEIP Sárdoma-Moledo de Vigo. Nas seguintes iconas podedes atopar o programa de actividades previsto, algunhas orientacións básicas, así como o itinerario para poder chegar ao punto de reunión
O catedrático Pio González Fernández, do departamento de Física Aplicada acercará o apaixonante mundo da ciencia ao noso alumnado con obradoiros de física. Da man dos seus compañeiros de equipo de investigación Julia Serra e Miram López Álvarez,nos presentarán os avances conseguidos no campo dos biomateriais, ámbito que lideran en España.
Doutra banda, o catedrático de Endocrinología e Fisiología da Universidade de Vigo e nutricionista do Celta, Federico Mallo Ferrer, debatirá connosco os principales aspectos da alimentación e nutrición e a súa repercusión na nosa saúde.
A Oficina do Medio Ambiente da Universidade nos guiará pola contorna do campus para coñecer un chisquiño mellor a súa biodiversidade.
E, finalmente, despois de tanto coñecemento, ben nos merecemos unha boa sesión deportiva. Nesta ocasión será a través do deporte de orientación onde , José Luís Armada, do Servizo de Deportes da Universidade colaborará connosco para que esta actividade sexa posible. Toda unha experiencia educativa.
