Seguimos abrindo aulas no Colexio do Benquerer e realizando novas actividades. A última foi unha máquina do tempo que nos levou a descubrir e reflexionar os cambios na puberdade. Moi interesante!

A entrada do colexio está presidida, desde hai unha semana, por un mural colectivo no que todo o alumnado e o profesorado dicimos: Podemos facelo! Mostramos así o noso compromiso coa igualdade e contra o machismo, que non é cousa dun só día, senón de todos os días do ano.

Hoxe comezamos cun novo proxecto na aula. Descubrimos o Colexio do Benquerer e aceptamos pasar a formar parte del. Xa temos os nosos pasaportes que iremos completando a medida que vaiamos resolvendo probas e facendo actividades relacionadas co coñecemento de nós mesmos/as, o bo trato, o respecto, a educación afectiva, a tolerancia... Temos moito que facer!

O xoves pasado tivemos un obradoiro sobre prevención do acoso escolar impartido por Alba, traballadora social no Concello de Rianxo. Estivemos reflexionando e falando sobre que é o acoso e que papel desempeñan cada unha das persoas que interveñen nel. Moi interesante e moi a ter en conta no noso día a día.