Boas de novo! Antes de nada queremos mandarvos a todas e todos moito ánimo para, o que parece, pode ser a recta final deste novo camiño que tivemos que percorrer. Desde a área de Educación Física enviamos un novo grupo de propostas incluídas dentro do terceiro trimestre.
Como xa estamos na denominada fase de desescalada, que seguro que xa escoitastes un montón de veces estes días, nós non iamos ser menos e por iso temos unhas novas instrucións que teredes que ler con moita atención:
- Elaboramos outros 4 documentos (clic máis abaixo en adxuntos, formato PDF) con novas temáticas de xogo (O CIRCO, XOGOS POPULARES E TRADICIONAIS, MATERIAL ALTERNATIVO E ACROSPORT).
- Levamos case dous meses nestas “aulas diferentes”, por se algún ou algunha xa se cansou, hai actividades que xa podedes facer no exterior, se vos apetece.
- Xa imos cara ó final de curso así que temos que facer un pequeno esforzo que anteriormente non esiximos: será necesario que enviedes ó noso correo nas próximas tres semanas ( xoanderequeixo.efnacasa@gmail.com) unha foto ou un vídeo de como facedes calquera das propostas que elaboramos ata o de agora (10 en total, os 6 anteriores ou 4 agora). Vale calquera xogo, tarefa ou actividade que vos gustase e apareza dentro dos documentos desta área de Educación Física.
- Coma na anterior proposta, non é necesario que fagades todas as actividades, xogade ás que máis vos gusten ou ás que vos apetezan, para iso tedes un amplo número de xogos e temáticas diferentes.
- No correo que nos mandedes simplemente poñedes o voso nome e curso xunto co documento adxunto (vídeo ou foto). Sería importante que as vosas familias vos axuden nesta parte, sobre todo ós máis pequenos e pequenas.
- Co material que nos enviedes elaboraremos un vídeo final con todo o que fixestes durante este tempo. Tedes que participar todos e todas para que nos quede o mellor posible. Se non tampouco o poderemos facer.
- Calquera dúbida que teñades poñédevos en contacto connosco no e-mail que puxemos máis arriba.
A nosa volta está mais preto. Unha aperta enorme a todos e todas.
JAVI E MARTA
| Adxunto | Tamaño |
|---|---|
| Xogos populares e tradicionais.pdf | 723.45 KB |
| Xogos con material alternativo.pdf | 663.48 KB |
| Acrosport.pdf | 748.25 KB |
| O circo.pdf | 975.4 KB |
