Material para Primaria curso 2016-17

Ligamos os libros de texto para Primaria curso 2016-17

 

Libros de Texto Primaria

CONFIRMAMOS: NON collades o libro de Música.

Material para Infantil curso 2016-17

Ligamos listaxe de material que precisará o alumnado de Infantil do noso centro o vindeiro curso. Nas reunións inicicais informarásemos máis polo miúdo.

 

Material Infantil 2016-17

Despedida do Curso

22/06/2016 09:30
Europe/Madrid

O 22 de xuño despediremos o curso 2015-16 con diversas actividades. Pregamos que esteades antentos aos horarios e ás  peticións que vos facemos.

 

O horario será o habitual, de 9:30 a 14:30. Por motivos de organización todo o alumnado agardará até a hora habitual de saída (que será cando se poidan entregar as notas) para marchar

 

Nas primeiras horas contaremos, por un lado, cun obradoiro gastronómico nun autobús-cociña para os de 1º e 2º; polo outro cun festival adicado ás Letras Galegas. Estas actividades serán internas (só para alumnado)

 

Despois do recreo, ás 12:30, terá lugar a entrega de diplomas para o alumnado de 6º de Infantil e 6º de Primaria, xa que uns pasan a 1º de Primaria e outros a 1º da ESO, á que estades convidadas só as familias deses dous grupos.

 

A partires das 13h comezará o tradicional picnic de despedida ao que, agora si, estades todos os membros da Comunidade Educativa convidados. Para que nos escoite ben todo o barrio, ensaiade un pouco o tema "Catro Vellos Mariñeiros", que cantaremos todos e todas despois do picnic!

 

Pregamos que os que poidades vir a andar, veñades. O autobús-cociña ocupará bastante espazo, e xa sabemos como se pon o aparcamento nestes días. Por iso, insistimos, procurade aparcar fóra ou vide andando, por favor.

Lembrade tamén que o profesorado ten sempre preferencia para aparcar.

 

 

Importante: o mércores 22 de xuño a biblioteca do centro estará pechada en horario de tarde.

Inicio do proceso de Formalización de Matrícula

20/06/2016 09:30
30/06/2016 14:00
Europe/Madrid

Informamos de que dende o vindeiro 20 até o 30 de xuño poderedes formalizar matrícula todos aqueles que así o solicitáchedes ou que fúchedes derivados ao CEIP de Vite pola comisión de Escolarización.

No cole temos todos os documentos, pero se queredes traer o traballo feito da casa comentámosvos o que tedes que traer:

 

Copia do ANEXO III-1 de matrícula de Infantil e Primaria da Orde do 12 de marzo 2013.

Ficha de Datos do alumno/a

Enquisa de Idioma cuberta só no caso de Educación Infantil (lembrade que a lingua propia de Galicia é o Galego, e que é unha pena non conservar tremenda herdanza)

Tres fotografías estilo carné

Fotocopias de 
Libro de Familia* DNIs de todos os Titores Legais Cartilla de Vacinas Tarxeta Sanitaria do Alumno/a

DNI do Alumno/a*

(se o ten)

 *Só se non o presentáchedes na solicitude de praza

 

Horario de Atención ao Público

Todos os días de 9:30 a 10:20

Luns, Mércores, Xoves e Venres de 13:40 a 14:30

 

CONVOCATORIA BOLSAS DO CONCELLO DE SANTIAGO PARA O ALUMNADO DE EDUCACIÓN INFANTIL SEGUNDO CICLO E EDUCACIÓN PRIMARIA

Informamos sobre as becas do Concello de Santiago para segundo ciclo de Infantil e Educación Primaria.

Nos adxuntos tedes toda a documentación.

Fondo Solidario de Libros de Texto e Adquisición de Material Escolar

17/05/2016 00:00
23/06/2016 14:30
Europe/Madrid

Xúntase a Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

Prazo para presentar solicitudes
  •  O prazo para presentar solicitudes iniciarase o día seguinte da publicación desta orde no Diario Oficial de Galicia e rematará o día 23 de xuño de 2016 (este incluído).
  •  O alumnado que, unha vez transcorrido o prazo indicado, se incorpore a un centro docente sostido con fondos públicos procedente de fóra de Galicia ou dun centro situado en Galicia pero non sostido con fondos públicos poderá presentar a solicitude no prazo dun (1) mes contado a partir do día seguinte á formalización da matrícula. Non se poderán presentar solicitudes despois do 31 de marzo de 2017.

DOCUMENTACIÓN INDISPENSABLE:

Solicitude cuberta e fotocopia do Libro de Familia. Fotocopia do DNI e copia da renda se non autorizas a que a Administración consulte os teus datos.

 

DOGA que regula o proceso

 

Plantilla para cubrir online

 

 

17M

17/05/2016 00:00
Europe/Madrid

Cambios na atención ao público

12/05/2016 09:00
Europe/Madrid

Benquerida Comunidade Educativa de Vite:

Debido a aplicación da asignación de auxiliares de administración e servizos aos centros de máis de 450 alumnos, queremos comunicarvos que, ao non contar con ese número, a nosa administrativa non volverá dende mañán xoves 12 de Maio; será asignada a outro colexio.

 

Por mor disto, esta semana a Atención ás Familias para recoller e entregar calquera solicitude ou documento estará limitada a se o equipo directivo está libre. Dado que, ademais, estamos concorrendo na Avaliación Final de Sexto, o equipo directivo terá aínda menos tempo para atendervos en condicións.

A partires do luns 16 estableceremos un horario de atención ao público no cal haxa un dos tres membros do equipo directivo libre para todo o traballo que antes facía a nosa administrativa.

 

É dicir, non sempre poderedes ser atendidos, e deberemos respectar este horario.

 

Aproveitamos para despedirnos dela, agradecerlle infinitamente a súa labor e compañeirismo, e desexarlle a mellor das sortes en todo o que emprenda. Grazas, Mónica!

 

Un saúdo a todos e todas, 

- O Director.

Procesos Vitais

Dentro dos seres vivos temos uns amiguiños que son descendentes directos (coma outros moitos) dos dinosauros: as aves. Con eles comparten esa modalidade de reproducción común aos ovíparos. É un xeito de fecundación curioso para nós os vivíparos, xa que estes animais medran dentro dun ovo fóra do ventre das súas mamás, e precisan que os choquen.

Nós, pola nosa intelixencia, fumos quen de crear unhas máquinas chamadas incubadoras. Nelas podemos manter vivos a animais recén nacidos, e tamén substituír ás nais e pais dos animais ovíparos, que son os que deberían chocar os ovos.

 

Durante todo o periodo de xestación teremos a nosa propia incubadora de pitiños de raza de Mos (grazas á ANPA de Vite pola idea e o contacto, e grazas a Diego e Nuria, da Asociación AVIMÓS), e poderemos observar todo o proceso. 

Calendario Escolar

05/05/2016 10:00
06/05/2016 10:00
Europe/Madrid

Como xa establecimos no noso calendario escolar deste curso, lembramos a toda a nosa Comunidade Educativa que os vindeiros días 5 de Maio (por ser festivo local) e 6 de Maio (por ser o día non lectivo elexido por nós) non haberá classe.

 

Do mesmo xeito, o 17 de Maio (Día das Letras Galegas) non hai clase, pero o luns 16 de Maio si será lectivo e estaremos no noso horario habitual.

Resumindo:

Xoves 5 e venres 6 de Maio: NON hai clase

Luns 16 de Maio: SI hai clase

Martes 17 de Maio: NON hai clase

Powered by Drupal - Design by artinet