OLLO AO MANDADIÑO DO Mecoespantallo: 

LUNS-> Que non che dea pereza: trae algo para a cabeza.

MARTES-> Imos, rapaces, imos troulear

coas nosas pulseiras chocando nas mans,

coidado coas pegas

que as queren roubar.

MÉRCORES-> Estes picariños,

que guapos están!!

con esa camisa de tres tallas máis,

para correr o Entroido toda  a mañá.

XOVES-> E rematamos os mandados

da cabeza ata os pés

cos zapatos decorados,

do dereito ou do revés.

Botádelle un ollo ao vídeo, que imos traballalo esta semana na escola!

Visita ao centro.

O día 4 de marzo, a psicóloga e sexóloga Belén Montesa veu darnos unha charla para educar en sexualidade en familia. Falounos da importancia de darlles seguridade aos nosos fillos e fillas, facer que se sintan queridos e valorados para non meterse en relacións tóxicas.

Apuntou que ante preguntas de contido sexual, o mellor é ser natural, preguntar e aclarar antes de dar charlas e recoñecer que é un tema dificultoso para nos como nais/pais e que o imos mirar xuntos.

Regra fundamental: “non ver como adultos comportamentos de nen@s, nin viceversa”. A adolescencia é como unha gripe, pasa con paciencia e coidado, recomendounos estar cercanos, pois estamos ante un novo mundo, con novas oportunidades e límites.

Podemos ver neste enlace entrevistas a Belén Montesa nos medios: https://www.belenmontesa.com/noticias/

Deixounos unha recomendación de libros de lectura, cos que tamén pensamos incrementar no centro a dotación de fondos sobre adolescencia e pubertade:

CÓMO SE HACE UNA CRIATURA, Cory Silverberg, Fiona Smith. Ediciones Bellaterra-9788472909540

SEXO ES UNA PALABRA DIVERTIDA, Cory Silverberg, Fiona Smith. Edicions Bellaterra- 9788472909236

EL CONSENTIMIENTO (¡PARA NIÑOS Y NIÑAS!), Rachel Brian. Océano Travesía- 9788449456053

TU CUERPO ES TUYO, Lucía Serrano. NubeOcho- 9788418599408

NO QUIERO SER MAYOR, Yolanda Trancho Hernández. Editores varios- 9788409566679 (para ler cun adulto)