Iniciar sesión: Acceso

Audición e Linguaxe

FINAL DE CURSO

Moi bo día!

Hoxe non vos subo ningunha actividade, estou aquí para darvos as grazas. 

GRAZAS por este gran curso. Foi un curso atípico pero demostrastes estar a altura. PARABÉNS polo gran esforzo que tivestes que facer. 

Encantoume poder compartir este tempo xunt@s, tanto no colexio como a través da páxina web. Espero que poidades desfrutar ao máximo das vosas vacacións. 

XOVES 18 DE XUÑO

Moi bo día!

Hoxe quero propoñervos unha actividade moi divertida. Ao longo destes meses estivemos a traballar numerosas actividades de sopro e de praxias. Seguro que xa sodes uns expertos, por iso quero propoñervos facer unha yinkana. 

Unha yinkana é un xogo no que se deben ir superando probas para pasar á seguinte e así chegar ao final. 

MÉRCORES 17 DE XUÑO

Moi bo día!

Hoxe para traballar a atención propóñovos uns labirintos secretos moi faciliños. O único que tedes que facer é estar atentos e seguir as instrucións. Este material foi recollido da páxina web Orientación Andujar 

MARTES 16 DE XUÑO

Moi bo día!

Para hoxe propóñovos unha actividade de sopro que seguro vos vai gustar. Trátase dun dado. O único que tedes que facer é lanzar o dado e facer o que se vos indica, así de fácil e divertido. Este dado foi recollido do blog susanamaestradeal 

LUNS 15 DE XUÑO

Moi bo día!

Para comezar a semana propóñovos unha actividade para traballar a atención dos máis pequenos. É unha actividade moi sinxela, consiste en buscar siluetas iguales ao modelo dado. Este material foi recollido da páxina web Orientación Andujar 

VENRES 12 DE XUÑO

Moi bo día!

Hoxe vamos traballar a atención e a memoria a través dun xogo clásico, o “Simón Dice”. Algúns de vós igual o tedes pola casa, senón déixovos por aquí unha aplicación que podedes empregar para xogar. Quero recordarvos que o uso de dispositivos electrónicos debe estar supervisado por un adulto.

XOVES 11 DE XUÑO

Moi bo día!

Hoxe déixovos un vídeo dunha manualidade para que despois podades soprar, é un pouco máis difícil que outras veces pero aínda así espero que vos guste. 

https://drive.google.com/file/d/1QGbWT2a4_IEPBCywtNQciDdnrh2YsxiL/view?usp=sharing

MÉRCORES 10 DE XUÑO

Moi bo día!

Espero que esteades preparados para realizar a primeira actividade que vos presento hoxe. Consiste en debuxar simetrías. Tratase dun documento procedente da web Orientación Andujar, con varios niveis de dificultade. 

MARTES 9 DE XUÑO

Moi bo día!

Hoxe propóñovos unha nova actividade para traballar o sopro. No arquivo adxunto hai unha explicación do xogo. 

https://drive.google.com/file/d/1Pzsr1gH2Cu6jiii50s1k5XLRJoA48f7U/view?usp=sharing

LUNS 8 DE XUÑO

Moi bo día!

Para comezar a semana propóñovos unha actividades moi interesante consistente en reproducir unha serie de figuras ou patróns que se vos presentan. Estas reproducións podédelas facer con calquera obxecto que teñades pola casa. 

https://drive.google.com/file/d/1TPkfMbZHkzUW5B5oGbCaEnBPI-ijm4eG/view?usp=sharing

Distribuir contido