CONTACONTOS NA BIBLIO
Ao noso alumnado gústalle moito lerlles contos aos máis pequenos e pequenas. Cada semana sorpréndennos con propostas variadas e enriquecedoras.
Velaquí a proba!
Fondo solidario, axudas para adquisición de libros de texto e material escolar para o curso 2023/2024
A Orde do 10 de maio de 2023, (DOG do 19 de maio de 2023), recolle o procedemento polo que se levarán a cabo as solicitudes de axudas para libros e material escolar.
Prazo de presentación das solicitudes e devolución dos libros para incorporación ó fondo solidario será ata o 21 de xuño (este incluído).
Só será preciso presentar unha única solicitude, incluíndo nela a todos/as fillos/as que estean escolarizados no centro. (Se a presentación é por vía electrónica deben presentar unha solicitude por cada fillo/a).
As solicitudes presentaranse preferiblemente por vía electrónica no formulario normalizado (anexo I e II) dispoñible na aplicación Fondolibros , a través da sede electrónica da Xunta de Galicia.Tamén poderán presentarse no centro.
Documentación a achegar coa solicitude:
POLO CORREO DO VENTO
O día 16 de maio visitounos "Polo Correo do Vento"; un contacontos e un ilustrador que nos achegaron á figura do homenaxeado do Día das Letras Galegas 2023: Francisco Fernández del Riego.
O alumnado realizou un taller de debuxo consistente en elaborar unha caricatura do autor, así como coñecer a historia da súa vida.
Velaquí o ben que quedou,
POESÍA CON ÁNGELES MADRIÑÁN
O día 20 de abril para conmemorar a Semana do Libro tivemos a sorte de recibir a visita da poetisa Ángeles Madriñán.
Fíxonos partícipes dos seus coñecementos e realizáronse actividades relacionadas co mundo da poesía (emparellar versos, lectura dunha obra...).
Foi un auténtico pracer contar con esta visita tan produtiva.
Moitísimas grazas, Ángeles!
SAINT PATRICK'S DAY
O venres, 17 de marzo conmemoramos o Día de San Patricio. Lévaronse a cabo actividades moi diversas como:
-
Dous obradoiros sobre a creación de burbullas de xabón.
-
Unha busca do tesouro.
-
Representación de varias danzas irlandesas.
Que ben o pasamos!
DÍA DA MULLER
O 8 de marzo, en conmemoración do Día da Muller, fixéronse actividades moi variadas. Algúns exemplos foron: debuxos sobre a muller máis importante das vidas dos nosos pequenos e pequenas de educación infantil, decorouse o símbolo representativo deste día, creáronse montaxes de fotos temáticas, realizáronse debates nas aulas sobre mulleres importantes da Historia e participouse en obradoiros de igualdade.
Velaquí as fotos!
ADMISIÓN DE ALUMNADO PARA O CURSO 2023-2024
PRAZO DE PRESENTACIÓN DE SOLICITUDES DE ADMISIÓN
Do 1 ao 20 de marzo establécese o proceso de admisión alumnado para o curso 2023-2024 .
Presentarase unha única solicitude que pode conter varios centros e deberá seguir algunha das opcións descritas a continuación:
1.Cubrir a solicitude informáticamente e presentala asinada de xeito manual no centro a través da aplicación: AdmisionAlumnado. Solicitudes>Admisión>crear.
2.Cubrir a solicitude informáticamente e asinala en Sede Electrónica con chave365 ou certificado dixital.
3.Cubrir a solicitude manualmente e presentala asinada presencialmente no centro.
Se ten reservada praza nun centro e presenta a solicitude de admisión noutro distinto, deberá comunicalo antes do inicio do prazo de presentación de solicitudes de admisión.
PROCESO DE ADMISIÓN
DÍA DE ROSALÍA DE CASTRO
O día 23 de febreiro conmemórase a figura de Rosalía de Castro e dende o centro quixemos homenaxear á autora galega.
Para iso fixemos un photocall cunha caracterización específica rosaliana, levouse a cabo o recitado de poemas da escritora por parte do alumnado de educación primaria e o alumnado de 6º de primaria cantou "Campanas de Bastabales" con acompañamento musical.
DÍAS DE ENTROIDO
A semana do luns 13 ao venres 17 de febreiro celebramos no centro o Entroido. Para iso fixemos actividades moi diversas:
- Seguimos as ordes diarias do Meco (luns en pixama, martes charramangueiro, mércores elegante, xoves nenos de nenas e nenas de nenos e venres disfrace libre).
- Realizáronse representacións entre o alumnado (alumnado de infantil, 5º de primaria e 6º de primaria).
- O venres, a maiores, participouse en xogos (carreira de sacos, de filloas, o limbo, as momias, xogo dos aros e relevos con balóns) e escoitamos contos narrados por Celsiño Sanmartín. Tanto nos xogos como na actuación contamos coa colaboración das familias.
Que ben o pasamos!
ADMISIÓN CENTRO ADSCRITO
INSTRUCIÓNS PARA A RESERVA DE PRAZA EN CENTRO DE ADSCRICIÓN. CURSO 2023/2024
O prazo de presentación de solicitudes será desde o 16 de xaneiro ata o 6 de febreiro. As solicitudes tramitaranse a través da aplicación www.edu.xunta.gal/admisionalumnado.
As dúbidas das familia serán resoltas polos centros educativos.
As familias poderán cumprimentar as solicitudes de reserva de xeito manual empregando o formulario en papel ou a través da aplicación no menú:
Solicitudes > Reserva > Crear
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »