Meu querido cole de Valiño:Parece que foi onte cando aquel día tan lonxano, Outubro de 1982, por primeira vez pisei aquel pobo do que nunca oirá falar e que axiña se ía convertir no lugar onde pasaría toda a miña vida profesional.
Este foi o meu primeiro destino e, seguramente, será o último. Aquí pasei os mellores anos. Os primeiros pasos foron nas escolas do muelle, máis tarde a unitaria de Valiño e, por último, pasei a inaugurar o cole, fai agora 25 anos.
Dende o primeiro momento intentamos fomentar a colaboración coas familias, levar a cultura á rúa…
por tantas actividades organizadas por profes e alumnos, sacar adiante tantos e tantos proxectos nos que fomos deixando o noso traballo…
Hai lugares que deixan marca, e iso pasoume a min co cole de Valiño. Foron moitos anos vividos con intesidade. Moitos recordos, vivencias e experiencias recollidas que son difíciles de olvidar.Tamén me acordo de todos os meus alumnos. Dos bos porque enriqueceron o meu traballo, dos “malos” porque me ensinaron máis do que eles aprenderon de min.
De todos recordo o seu bo corazón, a súa honestidade…a confianza. E como non, as boas festas que celebramos.
Podería seguir falando, despois de 25 anos haí moito que contar, pero sobre todo me quedo coas persoas.Un recordo para todos os mestres e mestras (e como non Xaquín e Pepita) con quenes, como verdadeiros compañeiros tiven a sorte de compartir todos estes anos da miña vida profesional.
Moitos bicos e, a por outros 25 anos!
Carmela Iglesias Lage
